كفيف بقلب بصير للحياة مش أسير
انطفى نور عينيه لكن قلبى بأيديه
وروحى اللى فيه الدنيا ملك ليه
شايف دنيتى من غير عنصرية ولا حتى أطماع بشرية
عايش من غير كره لأى حد ولا يوقفنى مليون سد
أكسر أى حاجز قصادى أدوس على الشوك ولو مش عادى
أمشى فى وسط الزحام أعافر من غير صدام
يتعجبون أزاى شايف أزاى عايش ومش خايف
قلت قلبى هو اللى يشوف ولا يعرف معنى الخوف
ولو العتمة سور عالى كثرت فيه الليالى
النور موجود فى قلبى ماشى ولا أخاف من ظلى
اتعكز على عصا يا صاحبتى فى الدنيا معايا
وإن طالت بيه السنين جوايا امل وحنين
أشوف الدنيا بالعين أو أكون زى طه حسين
ورقة وقلم
لا توجد تعليقات على الخبر
تم أضافة تعليقك سوف يظهر بعد المراجعة