على كل لون برسمك
وأعشق جمال عينك
يا عينى على رقتك
ماليش حبيب غيرك
يا بلدى لون طرحتك
زاهية بنور نيلك
أموت وأشوف ضحكتك
تقتل عدوينك
وإن حد يوم زعلك
ما يستاهل خيرك
محدش راح يهزمك
يسلم ولاد جيشك
ما هو اللى بيحرسك
متربى على طينك
ملعون اللى بيسرقك
وريه سواد ليلك
دا بدل ما يشرفك
بيهد فى سنينك
دا ربنا يقدرك
بالقوة ويعينك
وإحنا ما راح نخسرك
ف القلب شايلينك
يغور اللى بيكرهك
إحنا شارينك
وشبابنا هيعمرك
ما إنتى اللى حابينك
على كل لون برسمك
وأعشق جمال عينك
صورة أرشيفية
