يا عم يا دفان
ابنيلى قبرى
مليت أنا أحزان
وفاض صبرى
كل يومين بنترحم
على رماد ومتفحم
وأم الدنيا عطشانة
على الدم بتتوحم
ملاعيين من تراب
وبيخلقوا الأسباب
كفروا بالأديان
وبيعبدوا الإرهاب
يا عم يا دفان
معدش بينا أمان
الغدر فيها محاوطنا
والقتل ف كل مكان
خان الوطن بيهد
بأنى ل عدوه سد
خايف منه يقرب
ل بألف ضربة يرد
بيحرق أخوه ويفجر
يسمى عليه ويكبر
فاكر أنه رب الكون
وعن غضبه وبيعبر
ياعم يا دفان
دفنت كام إنسان
منايا يجينى الدور
وليك هروح أجرى
ياعم يا دفان
ابنيلى قبرى
مليت أنا أحزان
وفاض صبرى
تم أضافة تعليقك سوف يظهر بعد المراجعة