فترة الخطوبة.. مرحلة مهمة لدراسة ومعرفة كل شخص بالآخر، فأى اثنين مقبلين على الزواج، هما شخصان مجهولان لدى بعضهما البعض، حتى وإن كانا على علاقة ببعضهما قبل الخطوبة وأهل أو جيران لأن ارتباطهما بفترة الخطوبة يختلف تمامًا عن قبل الخطوبة فهى الفترة الأمثل لوضع حجر أساس للزواج، لذلك قامت ناشطات موقع التواصل الاجتماعى الفيس بوك بوضع عشرين قاعدة بطريقة ساخرة تمثل شكل قواعد البنت المخطوبة جديد فى مصر.
1: امسحى كل الولاد اللى عندك على فيس بوك أو اعملى أكونت جديد حطى بوستات الاستغفار وانزلى بالتسبيح والتحميد والصلاة على النبى حسسيه أنك متدينة .
2 كانت: لو عندك بنات مش عاجبين البيه عادى لو مسحتيهم
حطى صورة البنت الصغيرة و هى بتقول "أنا العروسة".
مافيش مانع لو صورة الفيس عندك تبقى عبارة عن دبلتين.
ماتنسيش تمسحى كل الولاد اللى عندك.
6 :وشددت الفتيات على أهم قاعدة وهى السادسة: غيرى رقمك اللى عايشة طول حياتك بيه دى أهم خطوة.
7 اتصورى بالدبلة وأنت بتدينا بالبوكس
8:ماتحكيش لصحابك السنجل على خطيبك عشان مايحسدوكيش
9: ماتحكيش لصحابك المتجوزين برده على خطيبك عشان مايحسدوكيش
10: امسحى كل صورك اللى كنت حطاها على الفيسبوك
11: إلغى شخصيتك تماما
12: اقعدى من الشغل لو البيه طلب منك كده
13: لو هتحطى صور لازم يبقى راشق معاكى فيها
14 :حطى صورة من نوعية "تو جيزر فور ايفر"
ا15 :ماتنسيش تكتبى كلام حب من اللى بيجيب الضغط
16 :ماتشغليش بالك بحاجة تعمليها أو تتعلميها لإنك خلاص وصلتى لهدفك
17 :تابعى منتدى فتكات و اعرفى أجدد الطبخات
18 :صورى بوكيه الورد اللى جابهولك وحطيه على الفيسبوك
19 مفيش مانع لو حطيتى اسمه ورا اسمك بدل اسم أبوكى
20 وهى: لما تمسحى الولاد أبقى ابعت لهم رسالة قوليلهم "معلش خطيبى قالى كده عشان بيغير عليا".
