مسن لـ محلب: "بعت أرضى كلها علشان أعلم ولادى ومش لاقيين شغل"

طالب المواطن حمدى غباشى، رئيس الوزراء المهندس إبراهيم محلب، بتوفير فرص عمل لأولاده، وقدم شكوى لمكتب شكاوى المواطنين بمجلس الوزراء بشأن مطالبه.

وحاول المواطن أثناء تظاهره على رصيف مجلس الوزراء ظهر اليوم الاثنين، لقاء رئيس الوزراء لعرض مطالبه، ولكنه لم يتمكن وقدم شكوى لمكتب شكاوى المواطنين بالمجلس، قائلا "أنا عندى 75 سنة شغال فلاح وتعبت من كتر السفر من البدرشين كل يوم والتانى علشان أدور على شغل لولادى".

وأضاف غباشى: "أرضى بملايين بعتها بملاليم، بعت كل أرضى وملكى علشان أعلم ولادى تعليم عالى ويشتغلوا فى وظائف حكومية ويساعدونى على مصاريف البيت بعد ما خلصت كل أرضى علشان تعليمهم وأصبح كل دخلى فى الشهر 400 جنيه معاش فلاحين".

وتابع غباشى: عندى 3 أولاد واحد خريج هندسة، والتانى خريج إعلام من 7 سنين بأكتوبر وحتى الآن مش لاقيين شغل، الاثنين وكل أملى أن المهندس إبراهيم محلب ينظر لشكوتى بعين الرحمة ويوفر فرصة عمل لأولادى لأنى أنا تعبت من كتر الشقى ونفسى ارتاح من قعدتهم فى البيت، وأطمن عليهم وهم شغالين قبل ما أموت خاصة مفيش أرض تانى ولا حاجه يعتمدوا عليها فى حياتهم".