لما تنام فى عنيك دموع
ونفسك تغير الواقع
تحلم بحلم عشان موجوع
يطمنك ان اللى راح راجع
تصرخ بس مش مسموع
لكن اللى واجعك أكيد سامع
وفجأة تقوم كده مفزوع
وفى عينيك ضى لامع
كان نفسك تكون مخدوع
واللى حصل يكون نفى مضارع
بقى الكلام بينكوا ممنوع
حتى لو من جواك بتصارع
وان مت علشان تحكى موضوع
اوعى لفكرك تطاوع
ده اللى يعيش يوم مخضوع
عمره ما يبقى يوم خاضع
غروب - صورة أرشيفية
لا توجد تعليقات على الخبر
تم أضافة تعليقك سوف يظهر بعد المراجعة