عصفورتى واحشانى
لو ترجع من تانى
أهى طارت وسابتنى
لدموعى وأحزانى
عصفورتى واحشانى
لمّا الصبح يشقشق
صوتها الحلو يزقزق
أحلى نغم فى الدنيا
بالفرحة بيملانى
عصفورتى واحشانى
لما ألعب ويّاها
بانسى نفسى معاها
وتاخدنى من روحى
لمّا تغنى غُناها
عصفورتى واحشانى
أنا هافضل مستنى
وهاغنى وهاغنى
يمكن لو تسمعنى
ترجع تسأل عنى
عصفورتى واحشانى
عصفور
لا توجد تعليقات على الخبر
تم أضافة تعليقك سوف يظهر بعد المراجعة