زينة: "مطلبتش فلوس عشان أظهر مع مذيعة مجهولة لأن ظهورى هيكون فى برنامج محترم"

نفت النجمة زينة الأخبار التى ترددت على إحدى المواقع بطلبها مبلغ مالى مقابل حديثها عن أزمتها مع أحمد عز، وذلك عبر حسابها الشخصى على موقع إنستجرام، قائلة: "بصور فى مسلسل أرض النعام فى ملجأ أيتام النهاردة قد إيه عندهم رحمة وحب للناس مع أنهم اتحرموا منها".

وتابعت قائلة: "عرفت أن احدى الصحف منزلة خبر إنى طلبت من برنامج معرفهوش ومذيعة معرفهاش فلوس عشان أتكلم عن أبو الأولاد المحترم، والحقيقة إن كل ده كذب لأن أصلا محدش معاه رقمى يكلمنى، ولا كلمت حد ويوم ما هطلع فى برنامج هطلع فى أكبر برنامج مع أهم إعلامى أو إعلامية من وجهة نظرى، وطبعا يكونوا محترمين مش كدابين وزى ما أبو الأولاد المحترم طلع فى أكثر من مرة يتكلم".