لما نقول مصر.. لازم نفكر ألف مرة فى الحروف اللى هتترص
مش أى كلام ممكن يتقال ويعجبنا ونقول يا سلام
دى بلادى أم الدنيا يا ناس
وترابها صبح وليل ينباس
فيها العزيمة تقول مواويل
وتاريخها نهاره من غير ليل
نور عيون الكون بضياه
دارت عليه أحوال وأهوال..ورب العباد بإرادته حماه
قالوا بهية وقوية
قالوا صبورة وعفية
قولت دى مصر يا أفندية
إتهدوا بقى واخفوا شوية
أيامكوا راحت مش جاية
وبلادى ست الليلة ديه
ترقص تغنى تتعايق
وعلمها فى السما كده رايق
رفرف فى بحر وبر ونيل
وقناة جديدة بشكل جميل
وأبواب حياة بتنادى يا مصر
عدى وفوتى من نصر لنصر
تعب الكلام وياكى يا مصر
والوصف فيكى محتاج وصف
صورة ارشيفية
لا توجد تعليقات على الخبر
تم أضافة تعليقك سوف يظهر بعد المراجعة