خايف أصارحك إنى بحبك
ألاقى فى قلبك حد تانى
وخايف أسكت وادارى حبى
ياخدك منى حد تانى
قلبى حزين محتار فى أمرك
عايش مابين حلم وأمانى
نفسى أقولك إنتى إيه بالنسبة ليا
باختصار...... إنتى زمانى
زمانى اللى كان واللى حاضر واللى جاى
اللى كان ..... كان حلم فيه بسمة أمل
واللى حاضر... لما شوفتك بيكى اكتمل
واللى جاى ... هعيشه ليكى حتى لو إيه اتعمل
إنتى الحياه وانتى الزمان وانتى المكان
انتى لعينى الضى، وانتى الحنين والرى
وانتى لقلبى امان
لسه عارفك من مفيش
وكأنى عارفك من زمن
من غير عنيكى مقدرش اعيش
الحياه بعدك عدم
جوايا ليكى كلام كتير
خدت القرار إن أصارحك
ومهما يكون المصير
لازم أقول إنى بحــبك
قلوب
لا توجد تعليقات على الخبر
تم أضافة تعليقك سوف يظهر بعد المراجعة