نافذة على هذه الأحلام فتحها فرع مبادرة "طموح المرأة" فى بنها "Aspire Women" بتساؤل طرحه على الفتيات من خلال "فيس بوك" يقول ببساطة "لو كنتى ولد..." ويطلب منهن إكمال النقاط بأحلامهن البسيطة أحيانًا والجامحة فى أحيان أخرى، فقالت "مروة عبد الناصر" "لو كنت ولد كنت هشترى موتسيكل وأشغل عليه أغانى شعبى وألف بيه طول النهار، وبالليل هقعد على قهوة وأخرج كل يوم".
وكتبت "شيماء علم" "لو كنت ولد كنت هقدر أعمل كل اللى نفسى فيه، كنت هسافر وأروح أى مكان وأشتغل وأصرف على نفسى، وكنت هلعب كورة وأقعد على قهوة بلدى، وهشرب شيشة".
أما حلم "إسراء عبد الكريم" لو كانت ولد فاختصرته فى "كنت ربيت شنبى وعملت سكسوكة"، بينما فكرت "رشا زكى" بطريقة مختلفة وقالت "لو أنا ولد كنت هنزل بشورت وتى شيرت، وألبس مايوه على البحر عادى جدًا، وكنت هعمل الحاجات اللى نفسى ألاقيها يعنى أصحى مراتى الصبح على أغنية ناعمة، أعملها الفطار مرة مثلا، أعملها ضوافرها بالمانيكير، أسرح لها شعرها، لو كنت ولد كنت هبقى زوج مية مية".
أما "ندى مصباح" فقالت "لو كنت ولد كنت هشتغل واتمرمط وأتعب علشان أوصل للى بحبها".
