يا بلدى بحبك أنا
وبحبك أنا بجنون
لاموا على فى حبك
قولت أيش يملك المفتون
هاعيش أحبك وأناغيكى
وأملا بحـبـى الكون
دا نيلك هو دمى
وترابك يبقى كحل عيون
ويلوموا مهما يلوموا
عمرى فى يوم ماهكون
غير عاشق ترابك يا بلدى
ولحد أخر يوم
عاشق ترابك يا بلدى
من وإحنا لسه صغيرين
كنت لما أحب ألعب
كان ترابك أحلى طين
والصحاب لما بتجرى
مره منى شمال يمين
كانت شوارعك بتساعدنى
علشان حوارى وضيقين
كنت بعشق فيها ضلمة
كانت تدارى المحتاجين
وفى الشتا كانت تدفى
بالمحبة البردانين
والقمر لو ليلة يطلع
كنت أشوف العاشقين
ولما كنت لبيتنا أرجع
كان أبويا يقولى يا أبنى
أوعى تأذى الطـيبين
أوعى تضرب أوعى تشتم
أو أسمعك بتسب دين
كل دا وبيسئلونى ويلمونى
ليه بحبك وأدوب فى حبك؟
ما هما أصلا محرومين
نهر النيل
