مشتاقه لضحكتك جنبى
وصوت بينادى يندهلى
وصوت من فرحته يبكى
ينادى عليا يطمنى
ويهمسلى بصوت مسموع
أنا جنبك متقلقيش
أنا الضحكه اللى تايهه سنين
وأنا جنبك لقيت نفسى
وكنت فغربتى بسرح
تعدى أيام يفوتوا أوام
وتجرى سنين تصحى حنين
وشوق بيروح ميرجعشى
ساعات بيتوه فى وسط سكات
بعيد عنى لكنه قريب
قريب من قلبى أنا وعقلى
وصوت تفكيره يوصلى
يقولى أصحى أنا جنبك
واوعى فى مره تنسينى
ومهما بعدت أنا جنبك
أنا شايفك أنا سامعك
أنا حاسس أوى بيكى
مسيرى فى يوم هكون ليكى
وهكتب اسمك بخط عريض
فى لوحه لونها لون قلبك
تفكرنى كتير بيكى
تصحينى بصوت ضحكه مدارية كسوف
ونظره عين بتخطف قلبى من جوا يروح منى
وأتوه وأسرح بأحلامى وجوا عنيكى تتحقق
شايف أحلامى وياكى وشايفك دنيتى وناسى
ينادينى صاحب ليا فينك يابنى ليه روحت بعيد
أرد بصوت رايح منى مفيش سرحت أنا شوية
وبتلفت هنا وهناك وبسأل بينى وبين نفسى
بعدتى ليه كدا عنى مشيتى ورحتى لبعيد
وأفوق على صوت بيزعجنى وخلاص طلعت أنا بحلم
حلمت أنا بيكى من مده حكيتلك حلمى فى أحلامى
ونفسى فى يوم أنا أقابلك وأحكيلك
أكون ليكى صديق مخلص وأب حنون
وأعيش ليكى سنين عمرى وبحلم تبقى ويايا
لكن خايف وخوفى عدى فى حدوده بلاد وبلاد
خايف لا تكونى مش ليا وأطلع بردو أنا بحلم
وأحزانى تعيش فيا وتسكن قلبى ما تطلع
خايف لا قدرنا يفرقنا ويطلع حلمى على قدى
ويكبر فجأه يضيع منى
لكن بدعى كتير ربى ما نتفرق
وأشوفك جنبى فى الكوشه ولابسه فستانك الأبيض
مخليكى قمر وملاك وأشوف ضحكه كدا منك تنسيى هموم جوايا بنساها
ولما أشتاق فى يوم ليكى بغمض عينى وأتونس وبلقاكى تملى معايا
يافرحه عمرى وهنايا
وفجأه ارفع لفوق ايدى وبدعى تكونى ويايا
ويغلبنى التعب وأنعس على كنبه
هروب من وحدتى فى أوضتي
ويخلص يومى من بدرى
لكن حبك سكن قلبى قفلت عليه بمفتاح
ولا عمره فى يوم يخلص
صورة أرشيفية
