يا عيونى كفاية دمــــــــوع
قوليلى بتبكى ليــــه
انطفت كل الشمــــوع
مين تانى هنبكى عليه
ناس عايشه تاكل كباب
وناس عاشها مر وعذاب
وناس تتغطى با الحرير
وناس بتنام على التراب
وناس عايشه فى فيلل وقصور
وناس عايشه مع الأموات فى قبور
ناس قلوبها دفا ونور
وناس مليان با الغرور
وناس مهما تقرب منهم
تلاقى بينك وبينهم سور
مهما تحب وفى الدنيا تعيش
بعد الأب والأم مفيش
هما دول الحب الحقيقي
دول اللى فى حبك دراويش
يا عيونى أبكى عليهم ليل ونهار
وعلى غيرهم يا عين متبكيش
بعدهم مفيش حبايب
أيوة بعدهم مفيش
يا عيونى كفايه دمــــــــوع
قوليلى بتبكى ليــــه
انطفت كل الشمــــوع
مين تانى هنبكى عليه
شخص يبكى - أرشيفية
