تلقيت هذا الاستطلاع البسيط المتداول على مواقع التواصل الاجتماعى ورغم بساطة الاستطلاع الا أنه يحمل معانى ودلالات كثيرة أراد من قام باعداده أن يظهر حرصا وطنيا عاليا على وطنه من أية محاولات مغرضة ودعوات مشبوهة تستهدف أمن واستقرار مصر واشاعة الفوضى وافتعال أزمات وخلق مناطق توتر داخل المجتمع .
الاستطلاع يخاطب العقل بأسئلة بسيطة ويجيب عنها أيضا بمنتهى البساطة ولكنها أسئلة وأجوبة منطقية فعلا بالتزامن مع شائعات مجهولة للنزول يوم 11 نوفمبر المقبل بزعم الظروف المعيشية الصعبة لغالبية المصريين.. تعالوا نقرأ ونفكر ونعيد القراءة .
عندنا أزمة كبيرة فى العملة؟..أيوة عندنا.. عندنا مشاكل اقتصادية حادة؟ أيوة عندنا ..عندنا مشاكل مزمنة فى التعليم والصحة ؟ .نعم..عندنا أزمة فساد فى الذمم والنفوس؟ طبعا عندنا ، إلا من رحم ربى .عندنا غلاء فى الأسعار والتجار جشعه و بتتلاعب بقوت الناس؟ حدث ولا حرج
طب ممكن أسأل كام سؤال تاني؟
ولادك بيروحوا النادى كل يوم ؟ أيوة ...صيفت السنة دى؟ .. أيوة
بتنزل تسهر للفجر مع صحابك عادى؟ أيوه
طب عندك لا قدر الله جيش منقسم ومنشق؟..لأ والحمد لله .
جزء من بلادك محتل؟.الحمد لله برضو لأ
عندك قواعد عسكرية بتنتهك سيادتك على أرضك؟..الحمد لله رب العالمين ، مفيش .
سبت بيتك ووطنك وقاعد فى مخيم على حدود أى بلد مستنى طيارة ترمى لك رغيف ؟
-الحمد لله محصلش .
حد من معارفك اتدبح والدواعش لعبوا الكورة براسه قدام الكاميرا؟
-اللهم احفظنا ...لأ محصلش
-ولادك مدارسهم وجامعاتهم إتعطلت والسنة الدراسية اتلغت ؟
-لأ
عندك فتنة طائفية بتحصد كل يوم مئات ؟ لله الحمد والشكر... لأ.
عندك أزمة كهربا فى صيف خانق الحرارة فيه وصلت لأرقام قياسية ؟..لأ
الشتا اللي فات كنت نايم في خيمه و التلج نازل حواليك لمده شهر؟ ..لأ
بتنام من غير عشا؟.. الحمد لله مستورة
الخلاصة تبقى: أيوا بلدك بتعانى ، وبتمر بظروف صعبة ، ودى مش أول ولا آخر مرة فى تاريخ الدول
لكنها بفضل الله متماسكة كهيكل عام للدولة وغير منهارة ، يعنى بالبلدى مش أشلاء دولة
زي كل البلاد الي اتقطعت و اتدمرت و مش هتقوم لها قومه تاني طبقا المخطط متحضر من سنين للمنطقه ،وده كافى بإذن الله إنها تقوم وتتعافى ان أخلصنا النيه لله ، وإوعى تنسى أبدا إن ربنا دايما فى المعادلة مهما أعيتنا السبل. انتهى الاستطلاع.. فهل يستحق رغم بساطته قراءته مرة أخرى..
تم أضافة تعليقك سوف يظهر بعد المراجعة