أنا شايف شىء كده مش ممكن
بينور فى الضلمة بجد
خفت بعدت بسرعة جريت
بس لقيت الضوء إتمد
قلبى إتشد
قلت أشوف
فجأه لقيتنى فرحان جدا
ومفيش خوف
لكن قلبى كان بيدق
ونفسى سريع
خايف إنه يصبح وهم
أو إن اللى بشوفه ده حلم
وخايف إن اللحظه تضيع
بقى معقوله بعد سنين
بعد غيابها وشوق وحنين
أرجع أشوفها
بقى معقولة الأيام تضحك
بعد غياب
بقى معقولة أرجع تانى
كده أتبسم بعد عذاب
غمضت عيونى وإتمنيت
اللى أنا شايفه يبقى حقيقى
وإن عيونى ما تدمعش
ورجعت فتحتها بس لقيت
إن الغايب ما بيرجعش
وإن أنا فعلا عايش بحلم
بعد ثوانى غاب النور
وأدينى تانى رجعت أتالم
