فى بلاد العجائب فقط، يمكنك أن تقرأ خبرًا كهذا: فى مدرسة فارس الإعدادية بالفيوم، أجريت تجربة عملية لمواجهة أخطار الحرائق، انتهت بإصابة ثلاثين تلميذة بالاختناق، وتلميذتين بكسور نتيجة التدافع.. طب مادام إنتوا فشلة سيبو العيال فى حالها، لازم فذلكة يعنى؟.. الحمد لله إنها مكانتش بروفة كيفية التعامل مع المتفجرات.
مصر الجميلة
مواطن مات متعذبًا، والتحقيقات قالت إنه وقع من عربية كارو، طالب طب اتاخد من بيته واتقتل، واتلفقت له قضية دعارة، واحدة ست صوروها عريانة فى بروفة ملابس، ولما اعترضت اتحولت لمتهمة، دوا مش موجود، اغتصاب الأطفال فى المدارس، موت الناس فى الحوادث، ويطلع شوية ناس يبرروا الكلام ده كله.. كل دى حاجات الواحد بقى بيتعامل معاها باعتبارها حاجات يومية عادية، قضاء وقدر، آدى الله، وآدى حكمته، وما بقاش لا بيتأثر ولا بيستغرب.. ولسه اللى جاى أحلى.
عدد الردود 0
بواسطة:
سليمان
أول مرة أشوفك زعلان !!
زعلان ليه بس ؟ كأنك لسه جاى من بلاد بره .. بصراحة دية أول مرة أشوفك زعلان ..
عدد الردود 0
بواسطة:
نور
مصر الجميلة
مش عارف ليه لما قرأت مقالك خاصة مقطع مصر الجميلة فكرتني بخالد داوود اللى بمجرد اعلان مقتل ريجينى وقف قدام السفارة الايطالية يقول الداخلية قتلته هذا هو ماتفعلة حاليا اتهام واضح بين السطور ان الداخلية بتعذب الناس و بتلفق التهم من خلال سردك قصة طالب الطب الاخواني الذى القى بنفسه من الشرفة وتقول لفقوا له قضية آداب كان ناقص تقول حدفوه من البلكونة لانه لوواثق من براءته ماكانش انتحر ودافع عن نفسه لذلك كان المفروض تقول هما حدفوه من البلكونه والغريب تمجدون دور القضاء والقانون ولا تنتظروا احكامه بل تسبقوها باتهاماتكم وهو ما يدفعنى أتسائل انتم جنسكم ايه بالضبط.