الفقير مهما يشتغل
نصيبه فكة
يا ريت يريح البلد
ويقعد احتياطى ع الدكة
زاحمها بس
وعامل فيها ربكة
وتأثيره مش فعال
كتأثير شكة
ولا حد بيسمع له مشكى
ولا حد بيفوت له غلطة
ولا حد بينقذه لو دخل عركة
ويركبوه الغلط
ولو كان مدكوك فى جنبه مية دكة
ياما ناح
وكم نواحه أبكى
وساعات كلامه الحزين
يلسع القلب كلسعة المكوى
ويمكن يكون
عن غيره أذكى
ولو كان ذكى
كان لعب بالبيضة و الحجر
من غير ما يحكوا بعض أى حكة
