يلتقى الدكتور عصام فايد، وزير الزراعة واستصلاح الأراضى، اليوم، الخميس، بمقر وزارة الزراعة بالدقى، وفد من الهيئة الفيدرالية البيطرية والصحة النباتية الروسية، الذى يزور مصر حاليا للتأكد من سلامة إجراءات الرقابة على صادرات البطاطس المصرية إلى روسيا، بما يضمن استيفاؤها للمتطلبات الروسية، وذلك بعد قرار روسيا رفع الحظر عن جميع المنتجات الزراعية لأسواقها.
واجتمع الوفد الروسى خلال زيارته للقاهرة مع المسئولين الزراعيين المصريين برئاسة الدكتور سعد نصار، مستشار وزير الزراعة، لبحث سبل تطوير العلاقات الزراعية بين البلدين، وضم مسئولى الجانب المصرى، كل من الدكتور إبراهيم إمبابى، رئيس الإدارة المركزية للحجر الزراعى، والدكتورة نجلاء بلابل، رئيس مشروع العفن البنى، والدكتور حسين الحناوى، رئيس اتحاد مصدرى الحاصلات الزراعية والبستانية.
عدد الردود 0
بواسطة:
الاسكندراني
... للتأكد من سلامة أجراءات الرقابه على صادرات البطاطس المصريه الى روسيا بما(يضمن) استيفاؤها للمتطلبات الروسيه .اد ايه الناس ديه بتخاف على شعوبها وابناءها لانهم يعلمون ويدركون ان قوة الدوله في قوه ابناؤها الاصحاء الاقوياء ..ولهم كل الحق ..عندنا هنا في المحروسه من يتاكد لنا في سلامة الغذاء الذي نتناوله .اذا كان من انتاجنا اونستورده ..ولا احنا ولاد البطه السوده (نطفح ) اي حاجه .اسمده مغشوشه ...مبيدات مسرطنه غير مطابقه للمواصفات العالميه ..ده الروس بيشترطوا ان تكون البطاطس مزروعه في اراضي معينه اغلبها في النوباريه بغرب الدلتا ..بالذمه ده اسمه كلام يامصر تأكلي عيالك اى حاجه وللغريب تنقيها بالواحده .طب ماده ياخايبه حيرجع لك في ضعف ومرض عيالك ..اخيه عليكي يا ام الدنيا يلي بقيتي زى القرع تمدي لبره ..وزى الوز حنيه من غير ب..ولاحول ولاقوة الابالله ...اعدلو يرحمكم الله .
عدد الردود 0
بواسطة:
عادل
إلى رقم 1 ( ازيدك من الشعر بيت )
بالاضافة إلى ما ذكرته علينا أن نتأكد أن البطاطس سوف يستمر سعرها في الزيادة هذا العام لدرجة أن المواطن المصري سيشتري البطاطس أعلى من سعرها المصدر بها ، بل وسعرها العالمي ، بالاضافة إلى رداءة المنتج لأنهم سيعرضون مالم يقبل المصدر إليه أخذه ، وما يحدث يذكرني ببيت لأحمد شوقي يقول فيه عن أبناء مصر ( أحرام على بلابله الدوح ..... حلال للطير من كل جنس ) ....... حسبنا الله ونعم الوكيل ...
عدد الردود 0
بواسطة:
المنوفي
كلامك يا رقم 1 و 2 تمام 100 المية
وهو ده اللي بيحصل احسن حاجة بتتصدر واحنا اللي بناكل الاغذية المسرطنة والمرفوضة منهم لظروف صحية ... والتصدير لروسيا خصيصا اكيد لشراء السلاح منهم مش لاجل النقود فقط ... البلد بتاعتنا دي اهم حاجة عندها السلاح والطيارات الحديثة والصواريخ... هي ده كويس لكن لما يزيد عن الحد ويكون رقم 1 او 2 في الترتيب يبقي كده كثير اوي ... المفروض السلاح ده احنا اللي نطوره بايدينا والزراعة دي رقم 1 ... من الاخر كما قال رجل التوكتوك :: تعليم ... صحة ... زراعة ... صناعة ... وقبل دول كلهم التوعية الدينية ومنع الفجور والسفور اللي في البلد من افلام ومسلسلات مصرية قاربت للاباحية و سوء الاخلاق وغيرها االهم نجنا من الفتن ما ظهر منها وما بطن يا رب العالمين