بعدما تعرضت الفنانة إيمى سمير غانم للانتقادات بسبب تكاليف المكياج الخاص بها على مواقع السوشيال ميديا، حيث تناقل أن تكلفته وصلت لـ40 ألف جنيه، صرح خبير التجميل المعروف أحمد الخواجة أنه لا صحة لهذه الأقاويل، فالتكلفة الحقيقة للماكياج لا تتعدى 20 ألف جنيه مصرى فقط، وفى ظروف غير ظروف إيمى كانت التكاليف أقل لكن السفر وتخلى عن عملى لمدة يومين أدى لارتفاع تكلفة المكياج عن المعتاد.
وعن المكياج الذى اختارته إيمى سمير غانم قال الخواجة "إيمى كانت حابة تظهر بشكل طبيعى، كما اعتاد عليها جمهورها، فهى لا تفضل الماكياج المبالغ فيه، أو الذى يغير ملامح العروس، خاصة أن حفل الزفاف بدأ فى فترة الصباح"، مؤكدا أنها اختارت أسلوبه بعد البحث عن أكثر من خبير تجميل يظهرها كما هى هذا، بالإضافة إلى أن الخواجة على علاقة صداقة قوية تربطه بإيمى ودنيا وحاول أن يظهرهما بأفضل صورة، خاصة إيمى والتى نال ماكياجها إعجاب الكثيرين من الحضور.
وأحمد الخواجة من أشهر خبراء التجميل المشهورين فى الوسط الفنى، حيث تعاون مع الكثيرات من نجمات الوسط مثل أصالة ولطيفة ومى سليم وغيرهم من المعروفات فى مصر والوطن العربى.
دنيا سمير غانم
دنيا سمير غانم وإيمى
.jpg "دنيا سمير غانم وإيمى")
إيمى سمير غانم
إيمى سمير غانم
عدد الردود 0
بواسطة:
أبو العُريف
مكياج . . حاجة ببلاش كده . .
. . . ( صرح خبير التجميل المعروف أحمد الخواجة أنه لا صحة لهذه الأقاويل، فالتكلفة الحقيقة للماكياج لا تتعدى 20 ألف جنيه مصرى فقط، ) . . . وكتاب الله دا احنا لينا الجنة يا رجالة مصر وستاتها . . دا الست عندنا بصباع روج بــ 3 جنيه وقلم حواجب بــ جنيه ونص وحبتين بودرة تلج ملونة بشوية صبغات بتاكل الجو وتهبل العريس . . ولا يكنش يا اخونا إحنا عنينا مدخششة وما بنشوفش عدل ستاتنا ؟ يجعله عامر يا ست إيمي وألف مبروك .
عدد الردود 0
بواسطة:
جحا
الراجل اعترف و أقر بال 20 الف فين مصلحة الضراءيب ؟
احد المهن التي يجب ادراجها في النظام الضريبي لتحقيق الا العدالة الضريبية
عدد الردود 0
بواسطة:
مدقق
لحكومة مش شاطرة الا على مهن الفقراء والموظفين المعدمين
انا مع التعليق 2 الاستاذ جحا لازم الحكومة تبقى صحيا ومفتحة لهذه المهن التى تتعامل مع الفنانين
عدد الردود 0
بواسطة:
مصري
لو كانت الضريبه تصاعديه بنسب مرتفعه علي الايرادات الاكبر كان استراح الجميع
بمعني واحد يعمل دكتور ويمتلك اراضي زراعيه تعطيه ارباح ويمتلك عياده طبيه يربح منها ويمتلك عقارات تضر عليه ارباح المفروض ان يتم ضم كل الشرائح السابقه في شريحه واحده ويتم تصعيد الضريبه باسعار مرتفعه كلما كانت ربحيته اكبر وهي لن تؤثر عليه وبهذا يتم التفريق بين المواطن الذي يعمل وايراداته صغيره والمواطن الذي ايراداته كبيره وهناك اقتراح ان يتم الزام كل الاعمال باعطاء اجر العامل بالشيكات البنكيه وفي نهايه العام يقدم اقرار ضريبي ان ارباحه صغيره ويتم رد الضريبه للشخص اما الشخص الذي ربحيته كبيره فيتم محاسبته عن الضريبه زي الدول المتقدمه يعني كل شئ بالشيكات اي عمل والا يعتبر تهرب من الضريبه حتي تعرف الدوله دخول الافراد كلها في القطاع الخاص والعام
عدد الردود 0
بواسطة:
هشام
صبح على مصر
فينك ياضرايب مش جاية الا على الغلبان
عدد الردود 0
بواسطة:
حد مش شايف امل
محتاجين بنى ادمين
يعنى اما هى تحط مكياج ب20 الف وهو ياخد فى يومين 20 الف يبقى تولع بجاز الناس الغلابة وتولع الاسعار وتولع الزيادة ويولع سعر الدولار ويولع سعر البنزين
عدد الردود 0
بواسطة:
توفيق صالح
بخصوص زفاف ايمى سمير غانم
بلاش نبص لل ف ا دين الناس وحاول تحسن من نفسك . دول ناس دخلهم يسمح . انت دخلك ايه
عدد الردود 0
بواسطة:
مواطن
طمنونى..
ياه أيوة كدة معقول مش تقولولي 40 ألف جنيه فعلا 20 ألف كويس جدا هتجيبولي جلطة يا ولاد ال.............. ههههههههههههههههههههه.
عدد الردود 0
بواسطة:
انا قمر
يا بلاش 20 الف جنيه بس
ده انا لو معايا كنت اتجوزت بيهم وحمدت ربنا على كدا قوى هههههه
عدد الردود 0
بواسطة:
جميلة
جمال طبيعى وربنا
ومعايا المبلغ ده وعاوزة عريس الم نفسى بالقشرين دول معاه ها مين يتقدم ههههههه