شكا سائق تاكسى يدعى محمد إبراهيم فرج، من زيادة أسعار الوقود التى أُقرت مؤخراً، وقال إنه كان " يمون سيارته بـ52 جنيه دلوقتى بـ70 جنيه" وتساءل " فين الحكومة من التسعير ده".
وتابع سائق التاكسى، خلال حواره مع الإعلامي خالد صلاح، ببرنامجه على هوى مصر الذى تبثه فضائية النهار one، "أى زبون بيقولى افتحلى العداد، والحكومة لما غيرت الأسعار مغيرتش العداد، وسابونا كده".
ومن جانبه علق محمد فتحى، صاحب تاكسى آخر، خلال حواره بنفس البرنامج على زيادة أسعار الوقود بقوله "معنديش مصدر رزق غير التاكسى، ومقدرش أروح وأقول لصحاب العربية ما اشتغلتش، وناس كتير بتسيبنى وتمشى".
عدد الردود 0
بواسطة:
أسعار كل حاجه ولعت
الحاجه كلها زادت مش ممكن
التجار زودوا الاسعار كلها البقوليات ولعت وزادت بنسبه 300?...ازاي ده ...ورغيف الفينو بجنيه....والألبان ولعت...والبيض مش في السوبر ماركت مخبيينه عشان هيغلوه اي حاجه داخلها سكريات بسكوتات الاطفال زادت200?....الخضار....زاد جدا ومش متاح دلوقت طول اليوم...ايه ده؟؟؟ حد يفسر ايه ده.... انا أدويتي بالشهر 600جنيه...ومبروحش التأمين الصحي عشان سوء المعامله وبضطر أكشف واتعالج خارج التأمين...وعندي 3 ابناء....اعمل ايه....في الاسعار...اللي جالها سعار دي... حد يقوللي.... انا مبقولش لحوم ولافراخ ولا أسماك....ولا مواصلات....ولا لبس ولا تعليم...ولا كهربا..ولاغاز...ولا إيجار..... التجار بينهشوا فينا كده حد يقول حاجه.....بس...الامهات اللي بيربوا ولادهم لوحدهم يعملوا ايه في الاسعار دي بقي.. حد يفهمنا طيب....يعني ايه كيلو الفول ب24 جنيه....والعدس ب28 جنيه....مبقولش لحمه...بقول العدس والله..... حد ينزل السوق ويشوف...