.jpg "مصطفى بكرى: لو تفجيرات الكنيسة ردا على إعدام حبارة فالإعدام لكل الإرهابيين")
وصف النائب مصطفى بكرى، حادث انفجار الكنيسة الكاتدرائية بالعباسية، بأنه استمرار للمؤامرة على مصر، والتى وصلت فى دناءتها إلى حد الاعتداء على دور العبادة، وإصابة المصلين بطريقة وحشية هدفها إثارة الفتن فى البلاد.
وطالب بكرى فى تصريح لـ "اليوم السابع"، مجلس النواب بتفعيل دوره فى هذا الشأن، وأنه بصفته عضواً فى اللجنة التشريعية بالبرلمان، سيطرح ضرورة الإسراع بإصدار تعديل قانون الإجراءات الجنائية لاختصار درجات التقاضى، وتنفيذ أحكام الإعدام ضد المتآمرين، غداً فى اجتماع اللجنة.
وتابع عضو مجلس النواب: "وإذا كان هذا الحادث جاء رداً على التصديق على حكم إعدام حبارة، فلابد أن يطول هذا الحكم كل من هم على شاكلته".
وكانت وزارة الصحة والسكان الحصيلة المبدئية لحادث انفجار الكنيسة الكاتدرائية بالعباسية، قد أعلنت فى بيان لها قبل قليل، أنه أسفر عن 5 وفيات و 16 مصابا حتى الان.
عدد الردود 0
بواسطة:
محمد
سلم لى على الاعدام
ولا تفكر تشوف حكم باعدام اى من الارهابيين بعد الدلع اللى هما فيه وكانهم فى رحلة او حبس احتياطى انا مش فاهم هما ليه بيتجمعوا مع بعض فى المحكمة مع انه اغلبهم واخد احكام مفروض بينفذها بس دى مش اشكال مساجين ابدا دول فى ضيافة مصلحة السجون
عدد الردود 0
بواسطة:
مصر الغلبانة
الاصطفاف الوطني
الاصطفاف الوطني هو المطلب الاوحد الان..المجرمين قتلوا ناس ابرياء يوم الجمعة والنهاردة يعني المطلوب هو تركيع شعب مصر..احنا زي الجبل مايهزنا ريح.. كمان بلاش اثناء الغضب نلوش بالكلام عن بلاد وعباد..خلينا في مصابنا الجلل..الله يرحمهم ويرحمنا
عدد الردود 0
بواسطة:
Saad
حرام
والله حرام ناس رايحه كنيسه تخرج جثث عشان خاطر شوية إرهابيين قاعدين فالسجون مرتاحين بياكلو ويشربو والناس بتموت بره بسببهم والبلد سايباهم من غير حساب ومشفناش واحد فيهم اتعدم
عدد الردود 0
بواسطة:
مجدى
اعدام كل الاخوان فى السجون
التخطيط من داخل السجون ومن قادة الارهاب الاخوان .. والتنفيذ من خارج السجون لماذا لا يتم عزلهم وتنفيذ الاحكام عليهم ؟ ام انهم ضيوف لدينا كلهم يجتمعون ويقرروا العمليات ويصدروا التعليمات والاوامر عن طريق المحامين وكانهم لم يدخلوا السجن اصلا كل الجرائم تقع تحت امن دولة عليا لماذا لا يحاكموا امام النيابة العسكرية على الاقل فيما يخص الجيش . اقول للبهوات النشطاء الذين عارضوا محاكمة المدنيين امام قاضى عسكرى كلكم خونة وجواسيس وعملاء ولنتذكر من عارض وبشدة تجدونهم من الممولين من الخارج وكلهم معروفين للجميع .. ان الاوان للمحاكمات العسكرية الناجزة والايداع فى السجن الحربى
عدد الردود 0
بواسطة:
ali
مش غريبة ديه الجمعة كمين امام مسجد والاحد كنيسة
هذا دليل قاطع هولاء دينهم الوحيد المال فقط
عدد الردود 0
بواسطة:
سمير
هو حبارة اتعدم ولا لسة ؟
طيب امتى هيتعدم القادة الكبار من الارهابيين ؟؟؟؟؟؟؟ بعد ما البلد تتيتم ولا ايه ؟
عدد الردود 0
بواسطة:
أبو أحمد
ارحمنا يا بكري شوية
مش معقول بتفهم كل حاجة بسرعة كده ؟؟؟ اصطبر قليلاً حتي تظهر معلومات فعلية . مش كل حاجة تتسرع وتتكلم بدون علم وتورط ناس كتير معاك . اهدأ شوية ... وبلاش الفهامة بتاعتك شوية .
عدد الردود 0
بواسطة:
ديزل
المعركة لم تنتهى بعد
رحم اللة شهداء الوطن وألهم زويهم الصبر و السلوان.
عدد الردود 0
بواسطة:
حوده
الاعدام
الاعدام فورا لكل ارهاربى ولكل البلطجية وتجار ومحتكرين السلاح والاغذية كلهم ارهابيين كفاية تسمينهم فى السجون