روى المخرج ماندو العدل، على صفحته على "فيس بوك"، موقف جمعه بالفنان الراحل أحمد راتب، وذلك أثناء تصوير مسلسل "الداعية"، والذى لعب بطولته هانى سلامة وبسمة وريهام عبد الغفور.
وقال العدل: "كان عندى مشهد فى مسلسل الداعية وكان هو المفروض بيودع بنته ريهام عبد الغفور اللى شافها أخيرًا بعد غياب طويل.. وكان اسم الشخصية خديجة.. وفجأة وإحنا بنصور الـShot .. وبيودعها قام راقص ومغنى الحلوة خوخة.. خوخة خوخة.. وضحك وعيط وحضنها.. وده مكانش موجود فى السيناريو خالص.. الـShot خلص وأول ما قولت cut قاللى اوعى تكون زعلت أنى ارتجلت.. قولتله بص فى وشوش الناس اللى بتعيط دى كلها وأنت تعرف أنت عظيم قد ايه.. ضحك زى الأطفال وقاللى طيب أخد منك سيجارة.. مكافأة بقى.. هتوحشنى يا أستاذ أحمد والله".
وكان الفنان أحمد راتب قد رحل عن عالمنا صباح أمس الأربعاء بعد إصابته بأزمة قلبية مفاجئة نتيجة مياه على الرئة .
تم أضافة تعليقك سوف يظهر بعد المراجعة