الحلول العبقرية لا تأتى إلا من حكومات عبقرية، معروفة، آخر الحلول المفتكسة جت من راجل كبارة بيشتغل وزير التعليم العالى، عاوز إيه سيادته؟!.. قالك أنا بطالب بإلغاء كليات الحقوق والتجارة، بتقولوا إيه يا ولاد؟!.. قالك هنلغى حقوق وتجارة، ونص الشعب يروح فين يا دكتور؟!.. قالك ما هو %66 من خريجى الكليات دى عاطلين، يبقى نقفلها؟ ولا نشغلهم؟.. نقفلها ولا نطور الدراسة فيها بحيث تواكب سوق العمل؟!.. اللهم إنا لا نسألك رد القضاء، ولكن نسألك الصبر على الاختراعات الحكومية.
ألف مبروك يا مصريين.. هتستريحوا
بشرى سارة للشعب المصرى الصبور، من اتحاد الصناعات، قالك: «سنرفع أسعار الأدوية %50»، يا نهار أسود، %50 مرة واحدة؟! رد اتحاد الصناعات: «تدريجيًا»، الله؟! طب وهترفعوها ليه؟!.. رد اتحاد الصناعات: «هدفنا راحة المواطن»، ربنا يكرمك يا باشا، ويعمر بيتك، بس عشان خاطر ربنا كفاية راحة، ما تريحهاش أكتر من كده.
عدد الردود 0
بواسطة:
مواطن
وزير شجاع ويستحق التحية
لو الوزير قال كدة يبقى وزير شجاع ويستحق التحية.
عدد الردود 0
بواسطة:
مواطن
لابد ان ترحل الحكومة
حكومة فاشلة و مش حاسين بالمصيبة اللي احنا فيها بسبب ذكائهم المحدود و برلمان فاشل ايضا و ماعندهموش حلول لاي مشكلة
عدد الردود 0
بواسطة:
مشمش
كفاية كدة
انتوا وزراء بدون اي رؤية و افشلتم التعليم المدرسي و الجامعي و عندكوا مستشارين مالهموش لازمة
عدد الردود 0
بواسطة:
طالبة
التضارب في الراي
ازاي نلغي الكليات و النهاردة وافقتوا علي 50 دبلومة للتعليم المفتوح. التعليم المفتوح سبب تزايد اعداد الخريجين لان كل الدبلومات بيقدموا و بياخدوا الشهادة بدون حضور او دراسة بيروحوا علي الامتحانات ز مناهج اي كلام و مستوي ضعيف جدا و الدكاترة عارفين بس هي سبوبة حلوة فلوس و بيع مذكرات و دروس .. الحقوا الكارثة و حلوها
عدد الردود 0
بواسطة:
سارى
نار الاسعار
الدواء هيغلي 50 % و دة علشان شركات الادوية تكسب علي حساب المرضي .. ارحمونا كرهتونا في البلد و العبشة
عدد الردود 0
بواسطة:
دكتور جامعي
الي رقم 4
كلامك صح عن التعليم المفتوح خصوصا انه مفتو ح علي البحري دون رقابة و هو اسهل من الانتظام و باقل مجهود تاخد شهادة و تبقي خريج جامعة
عدد الردود 0
بواسطة:
رزق
بلد شهادات صحيح
سبب الكارثة التعليم المفتوح والتعليم الخاص ، واحد يتخرج بالفهلوة والاخر يتخرج بالفلوس ، بتاع الفهلوة حاصل على دبلوم فني بالعافية ونظير الفهلوة يحصل على مؤهل عالي بتقدير ، اما الاخر يشتري الشهادة بالفلوس ، واذا نظرنا للمحصلة نجدها = صفر في التحصيل + امتداد لطابور البطالة ، بلد شهادات صحيح!!!
عدد الردود 0
بواسطة:
منين نجيب الصبر
ياأستاذ محمد الراجل عندة حق فى تفكيرة وتخيلاتة--والأفضل توجية طاقات هذة الثروة البشرية الى
التعليم المهنى البحت الحقيقى بمعنى--أيقاف الالتحاق مؤقتا ولمدة أربع سنوات أو أكثر ببعض الكليات النظرية التى ليس لخريجيها مكان فى سوق العمل وألحاقهم بالمعاهد المتخصصة فى تخريج شباب فنى على أعلى مستوى لسد النقص فى اسوق المحتاج للعمل التقنى والفنى ويمكن أن تكون كلبات وليست معاهد أو ألحاقهم بالمعاهد الفنية العسكرية ولكن بصفة تعليمية مدنية وليست عسكرية فالمدن الجديدة محتاجة وتستوعب هذة الطاقات المهدرة والمخدرة على المقاهى والنت--دة لو عاوزين بجد ننهض بالبلد ونقلل من البطالة--يا فرحتى لا الطالب يضيع من عمرة 4 أربع أو 5 خمس سنين فى كلية نظرية يعلم تمام العلم أنها مجرد شهادة للوجاهة لا تثمن ولا تغنى عن جوع --يا ريت نفكر شوية بصورة عملية مش بصورة رومانسية وعاطفية
عدد الردود 0
بواسطة:
محمود المصري
الي رقم 8
انت بتحل المشكلة بمشكلة اخري زي الوزراء الجهابذة , انت تنفع تكون وزير او نائب بالبرلمان اما الشباب يعملوا الاتي : اتكل علي الله و اشتغل رقاصة
عدد الردود 0
بواسطة:
محاسب / مجدى محمد رفعت
التعليم أساس النجاح .
لا يخفى على احد أهمية كليات التجارة في تخريج المحاسبين الذين سوف يقومون بإدارة البنوك المصرية . انما تبنى الأمم بالعلم والمال . وكذلك كليات الحقوق في تخريج المحامين ووكلاء النيابة والقضاة .في إدارة المحاكم المختلفة . وكذلك في تخريج موظفي الدولة المصرية في كل الوزارات الحكومية .