قدم مسئولو نادى المقاصة مذكرة إلى اتحاد الكرة ضد الدولى إبراهيم نور الدين حكم مباراتهم أمام الأهلى والتى انتهت بفوز الأخير بهدف نظيف، وأرفق معها أسطوانة فيديو بالأخطاء التى وقع فيها الحكم خلال اللقاء، وبذلك يتراجع مسئولو المقاصة عن موقفهم وتصريحاتهم التى خرجت برضاهم عن أداء الحكم .
وقال محمد مجد المشرف على الكرة بالمقاصة إن ناديه رصد كل الأخطاء التى وقع فيها الحكم خلال المباراة مثل التغاضى عن إعادة ركلة الجزاء التى سددها أحمد الشيخ لاعب الفريق الفيومى، وطرد حسين الشحات بداعى التمثيل، والتغاضى عن احتساب ركلة جزاء فى الشوط الأول نتيجة لمس أحمد حجازى مدافع الأهلى الكرة بيده داخل منطقة الجزاء.
وشدد مجد على أن المقاصة قرر شكوى الحكم بناء على قرار مجلس الإدارة الذى رفض التسرع فى اتخاذ أية قرارات ولكنه أقدم على ذلك لحفظ حقوق ناديه بعدما وقع فى ظلم تحكيمى فى مباراتيه الأهلى والاتحاد، وأثرت سلبا على مشواره فى المنافسة بالدورى.
عدد الردود 0
بواسطة:
مشمش
برافواااا..
...المفروض تعاقبوا احمد الشيخ ومدربه ايهاب جلا لتواطؤهم مع الاهلى
عدد الردود 0
بواسطة:
أحمد سامي
العدالة الغائبة
الأهلي النادي الوحيد هذا الموسم الذي لم يضار من التحكيم !!!!! تعادل مرتان هذا الموسم مع بتروجيت ( لاتوجد أخطاء نهائيا ) الأتحاد ( أحتسب له الحكم إبراهيم نور الدين ضربتان جزاء وهميتان وتم أهدارهم ) الأهلي فاز حتي الآن 1 / 0 في 3 مباريات وكلهم بضربات جزاء من حكام الأهلي !!! 1- الإسماعيلي 2- طنطا 3- مصر المقاصة ده غير مباراة الأهلي والنصر للتعدين الحكم زعل جدا لأن الوقت وصل للدقيقة 60 والنتيجة 0/ 0 فقرر منح الأهلي ضربة جزاء وهمية حتي يتقدم الأهلي بالهدف الأول وتنتهي بعده المباراة بفوز الأهلي 3 / 0 كل أندية الدوري بما فيها الزمالك أستفادت بنقاط وخسرت نقاط بسبب التحكيم ما عدا الأهلي أستفاد فقط من التحكيم !!!!!!!!
عدد الردود 0
بواسطة:
أهلاوي على طول
قول اللى ليك واللى عليك
ياترى هل تم وضع ال3 تسلل الغير صحيحه على الأهلى وكلها انفرادات فى الاسطوانة
عدد الردود 0
بواسطة:
سمير عثمان
بركاتك يا مورتا
هما كانوا لسه ماشافوش الماتش الا الان وبعدين ليه احمد الشيخ يعيد ضربه الجزاء علشان مدخلتش طب لو دخلت جون برضه حايطالبوا بأعادتها ... هى الحاجات والتلكيكات دى ليه ما بتظهرش الا مع الاهلى لما يفوز ...مرتضى موش عارف يعمل حاجة الا حشد الاندية والضغط على اتحاد الكورة
عدد الردود 0
بواسطة:
فرعون
صح
و ما تنساش تحقق مع الشيخ
عدد الردود 0
بواسطة:
مرزوق وديع
مسخرة
ايه المسخره اللي عايش فيها الوسط الرياضي دي !!!!!!!؟
عدد الردود 0
بواسطة:
عادل
يا خيبة الرجالة
بعد ما صاحب اللسان الزفر مسح بيك الأرض تتراجع وتسمع كلامه ؟ طيب ماتنساش تحقق مع الشيخ وبطل تلزق شعرك عشان ما يزعلش منك
عدد الردود 0
بواسطة:
طارق بورسعيد
تعليقات مشمش وامثالة الزملكاوية
لما يبقى فية ضربات جزاء ماتحتملش التشكيك فيها زى ماتش الاتحاد وغيرة وبالرغم من كدة ماليين الدنيا عياط انها ظلم يبقى دة يا اما نفاق او جهل ولما تبقى مش شايف بلاوى الجكام فى كل ماتشاتكم وبتتلكك لغيرك يبقى انت عارف كويس ان على راسك بطحة او عارف ان مستوى فريقك مفيش منة امل وبدات تعطى المبرر للخيبة-انتم بتشككم فى ضربة جزاء اعترف اللاعب ان الكرة لمست ايدة وفى نفس الماتش اتحسب ضربة جزاء لنفس الفريق فى اخر ثانية وضيعها وعاملين كل الهيصة دى وكان اية رايكم فى الغاء هدف بقولك هدف فى ماتش دجلة ورايكم فى 3 ضربات جزاء وحالة طرد فى ماتش طنطا بقولك 3ضربات جزاء وطرد غير ماتش المصرى وعلى فكرة الاهلى ملغى لة هدف صحيح مليون فى المائة ماتش التعدين فى نفس اسبوع الغاء هدف دجلة فى الزمالك غيرحالات طرد وانذارات كتير وضرب من غير كرة -عقلية الزملكاوية ذى رئيس ناديهم واللى هما فيه ده اما جهل او بجاحة او الاتنين عموما انتم مؤيدين مرتضى منصور وهو رئيس ناديكم يبقى اخلاقياتة عنوانكم
عدد الردود 0
بواسطة:
سيف حسام
الى تليق رقم 2
ياراجل بقى الاهلى الوحيد الذى لم يضار بالتحكيم مش هقولك على التسللات الوهمية اللى منعت انفرادات كتير للاهلى منهم 2 بس فى مباراة المقاصة ..ولا هقولك ان تم الغاء هدف صحيح 100% فى مباراة النصر للتعدين لعبد الله السعيد لكن هقولك انت بعصبيتك الزيادة دى هاتلى كرة وحيدة للاهلى استفاد منها وهى لا تستحق مش ذنبى ان سيادتك شايف ان ركلة جزاء المقاصة او ركلتى الاتحاد ركلات وهميه لان انت لو المدافع ضرب المهاجم الاهلاوى علنا مش هتقول انها تستاهل ضربة جزاء او طرد ..زى كرة باسم مرسى مع سعد اللى تستاهل طرد وايقاف طويل ..والحكم كان رحيم مع باسم وانتم قلتم عادى هى دى مشكلتكم انك دايما بترموا فشلكم على التحكيم فى السنة اللى الزمالك خد فيها الدورى الموسم اللى قبل اللى فات ..الاهلى اتظلم فى مباريات كتير منها على سبيل المثال الغاء هدف صحيح 100% فى مباراة الاسماعيلى وجريشة بدلا من ان يحتسب الهدف او على الاقل يحتسب ركلة جزاء للاهلى احتسبها لمسة يد على الاهى .. الاهلى وهو يلاعب الاسيوطى .. شريف رشوان لم يحتسب ركلة جزاء واضحة للاعمى وبشهادة الجميع ... وفى مباراة المصرى احتسب على الاهلى هدف من فاول واضح من احمد فاروق ضد سعد سمير وادى الى كسر قدمه ووضعها فى الجبس شهر ونص ورغم كده احتسب الهدف ليضيع على الاهلى 6 نقاط كاملة .. ورغم ده احنا موقفناش كتير على ان السبب فى الخسارة هو التحكيم لان الاهلى فى السنة دى كان مستواه مش حلو ..والتعاقدات كانت على غير المستوى ... علشان كده كنا بنهاجم الادارة واللاعبين والمدرب واخر شئ كنا بنفكر فيه التحكيم لكن انتم فشلكم دايما سببه المؤامرة الكونية
عدد الردود 0
بواسطة:
مهندس / صلاح
الاهلى مع الحكام نظام : متعودة دايما !
الحكام من زمان يجاملون الاهلى لأكثر من سبب . معظمهم يشجعون الاهلى ، وحتى يضمنون الإستمرارية فى التحكيم والفوز بإدارة أكبر عدد من المباريات ،سبوبة يعنى ، الموضوع واضح من زمان ، بس كان زمان أقل من الآن ، وكان الحكام خبثاء فى مجاملاتهم ، أما الآن فالمجاملة على المكشوف يعنى ببجاحة، وهذا ما يفسر انخفاض مستوى الكرة المصرية باستمرار وعدم وصولنا لكأس العالم ، نظام متعودة دايما ، وهذا بفضل الاهلى صاحب العشرميت بطولة ، بفضل الحكام والإعلام ونظام الاحتراف الفاشل الذى يسير بدون ضوابط ولا يناسبنا، لتفاوت الامكانيات بين الأندية ، التى تجعل الأندية تعمل كمفارخ لخدمة الاهلى والزمالك ليحصدوا البطولات التى لا معنى لها ، ولا عزاء للكرة المصرية .