بحر طيبة دافى وكريم
لمسة منه تغرق نعيم
حتى الاسم رقيق جميل
ألف بدايته وأخره ميم
.............................
أمى دى جنة ربنا ع الأرض
نفسى ليها أوفى دين
حبى ليها ده سنة وفرض
وصى بيها كل دين
.............................
أمى هيا سبب وجودى
شجره خضره من جدودى
لما بدروا الأصل فيها
جيت انا وجنيت ورودى
.............................
زرعت فينا فرحه وأمل
لايوم حسينا مره بملل
نسرح بفكره نحلم ببكره
ويا الأم نطيب م العلل
.............................
بين ايديها انا عمرى زهر
ورده تدبل لجل ما اكبر
أى قلب مهما حب
حب أمى أنقى وأطهر
...............................
حضن أمى راحة وسلام
جفن عينى يهوى المنام
لو يكفى عمرى ليها
أنا بهدى ليها ألف عام
...............................
لمسة منها تشفى جراح
شمس نورها تملى براح
لو هتبقى الدنيا عتمة
بيها ليل الكون صباح
..................................
دورى يا أشعارى ولفى
لو دين عمرك ما توفى
طيبة أمى وحنانها
حروف الدنيا ما تكفى
