وما بين هذا وذاك، دشن رواد موقع التواصل الاجتماعى "تويتر"، هاشتاج "أول يوم دراسة كان"، وشارك فيه المغردون بفاعلية وسردوا فيه أهم ما فعلوه فى أول أيام دراسة الترم الثانى من العام، حيث قال محمد حبيب: "انت جاى تهزر ولا جاى تسوق قلة الادب، لا يا أستاذ أنا جاى عشان الغياب".
وقال مروان حسنى: " مرحتش.. قلت أفسح مكان للحبيبة فى عيد الحب"، بينما قالت هالة: "كانوا كلهم ماشيين لابسين أحمر وماسكين دباديب بقى وورد، وأنا كنت شبهه سعد اليتيم، براحتك يامصر"، فيما قالت شدوى أحمد: " كان فل جدا بغض النظر عن الدكاترة اللى مدخلوش المحاضرات، بس ختم بأحلى هدايا ولمة صحاب".
أما أحمد يحيى، فقال: " يوم كله تحفيل، ده كفاية النتيجة اتعلقت"، وقالت آية يعقوب: " نص اليوم كنت باكل والنص التانى نمت"، وقالت ضحى: " زى الفل والله، شفت أصحابى وهيسنا وهزرنا، بس اللى يفقع الدباديب والورد اللى ماليه الشوارع، حسبى الله ونعم الوكيل".
وقالت هبه: "اتفرجت على الناس والدباديب وحاجات كتير ترفع الضغط، ياريتنى ما نزلت الجامعة النهاردة"، وقالت شريهان يحيى: "لف وجرى ودوران على الدكاترة عشان نعدل الجدول ونظبط مشروع التخرج، وحاليا ناقعة رجلى ف مياه وملح"، فيما قال سرحان: " قعدت أتأمل فى جاكيت الدكتور".
وأعبرت أمنية أسامة عن سعادتها بأول يوم دراسة، قائلة: " شوفت فى ناس بحبها موت، وقعدنا نضحك من قلبنا لحد ما عيطنا من الضحك"، وقال كيلانى: "أول محاضرة دخلتها النهاردة كنت متأخر، بس لقيت الدكتورة فى الأخر جايبه لينا شيكولاتة، وقالت لينا هابى فلانتين".
الموضوعات المتعلقة..
حصاد أول يوم مدرسة فى المحافظات.. من السرقة لتبادل إطلاق النار 5 حوادث تستقبل الطلبة فى أول أيام الفصل الدراسى الثانى.. حادث سرقة تحت تهديد السلاح بالإسماعيلية.. وقضية "ثأر" تسيطر على مدرسة بسوهاج
تم أضافة تعليقك سوف يظهر بعد المراجعة