عنقود أمانى
.. مخضرة
طارح بقلبك
يا الصبى
إيه اللى خلاك
فى الودع
تهجر بكيفك
سكتى؟
باينة خطاويك
.. التقال
رايحة بعيد
عنى أوى
سكة سفر!
وخداك لفين
دمع وشجن
ولا أنين.
لكن مبين رعشتك
خوف م الملام
مطفى ما بينا كل شىء
مات الكلام
على بالك الولد
اللى جاع
مجروح من الولف
اللى باع
تمسح بكفك دمعتك
ساعة الوداع
أخرس وجواك
ألف صرخة
لفين أروح
ولا تسعنى
الجناين كلها
بوردى
ما دام بارت خلاص
أرضى
وعشش
فى البرارى
الخوف
وطعم المر
مالى الجوف
ولمين أبوح
ولا سمعنى
شقيق ولا خل
وأحلامى..
خيال الظل
خلاص..
رافض
أعيش ف..الضل
تم أضافة تعليقك سوف يظهر بعد المراجعة