ودعتك يا أعز ما ليا
يا حضن الأمان والحنية
حبيبتى طال الغياب
وأنا بعدك ماليش احباب
ولا قلب يحس بيا
من بعدك الدنيا هوان
وعذاب وقسوة وحرمان
ومهما يبعدنا الزمان
حبك حياتى
وغالى عليا
حبك جنه نعيم وسعادة
مش اختيار ولا لينا فيه ارادة
حبك أمر إلهى طاعة وعبادة
ووصايا فى كل الكتب السماوية
صباحك ندى بيفتح ورودى
وصوتك لحن ونغم عودي
وعاكى قوانى وشد عودي
ياسماحه ياطيبه ياحسن نية
انا ليل نهار بدعى ربي
أوفى لو جزء صغير من واجبي
قد ماعلمتى وعرفتى تربى
يامدرسه نعم التعليم والتربيه
علمتينى اكتر من مدرستي
عمرى كله وسنين دراستى
كنتى الحكمه اللى فى كراستى
واللى قريته فى عينيكى
ان يشهدلك ان انتى الام المثالية
يانور للقلب والعين
وانتى اغلى منهم الاتنين
يانبض زايد بالحنين
يامنبع الحب والإحساس فيا
زى حبك مش هلاقى
ياحب طول العمر باقي
وإن فاضت بيا أشواقى
مملكش غير دمع عينيا.
الأم = أرشيفية
لا توجد تعليقات على الخبر
تم أضافة تعليقك سوف يظهر بعد المراجعة