صبح عليها «بسيجارة»

صبح عليها «بسيجارة»

هكذا طلب محافظ الإسكندرية من المواطنين، ألا يستخسروا فى نظافة المحافظة 4 جنيهات شهريا، وهو ما ترجمه إلى «سيجارتين» بالعملة الصعبة الإسكندرانية.. طبعا أرقام المحافظ غير دقيقة، لأن ما تحصله الحكومة من المواطنين شهريا يساوى صباعين حشيش.

مصر تزيّف التاريخ

اتخانقنا مع مبارك؟!.. يبقى ما حكمش مصر.. قفشنا على مرسى؟!.. يبقى معداش علينا.. قرفنا من البرادعى؟ يبقى ما فازش بـ«نوبل». الأفضل من تزييف التاريخ إننا نعمل كتب تاريخ بورق أبيض خالص.. ع الأقل ممكن العيال يستخدموها «كراسات رسم».

ازاى الصحة؟!

تحولت خناقة وزير الصحة مع نقابة الأطباء إلى ما يشبه «الخلافات الزوجية»، فالنقابة أحالت الوزير إلى «التأديب»، فرد الوزير بإرسال إنذار على يد محضر إلى النقابة. مش كده يا جماعة، صلوا ع النبى.. عشان الأولاد «المرضى» ما يتشردوش.