المحافظة زى المرجيحة
محافظ السويس زعلان من «التريقة» عليه بعد ما شغل «الدنيا زى المرجيحة» فى استقبال سفير النرويج، وبيقول إن شبابنا أحسن من شباب دول كتير جدا، ومستوى شباب النرويج بينزل فى الفن، متزعلش يا محافظ، بس شكلك هتركب المرجيحة قريب.
قول للزمان.. ارجع
أيمن نور عاوز يرجع مصر، ليه؟! عشان لسه مخربتش؟! ولا عشان مش عارفين تخربوها من بره؟! وعايزين ترجعوا تخربوها هنا؟ ولاّ خلاص جبرت كده، وعايزين ترجعوا تصرفوا فلوس التمويلات فى مصر؟! عاوز ترجع زى زمان، انسى يا عمرو.
لف وارجع تانى
أسرة فيلم «نوارة» فوجئت بتراجع جامعة القاهرة عن عرض الفيلم فى كلية الاقتصاد والعلوم السياسية بعد الحصول على موافقة رئيس الجامعة، وتم المنع دون أسباب واضحة.. بسيطة، الأسباب معروفة وسهلة وبسيطة، إحنا فى مصر.. تحيا مصر.
تم أضافة تعليقك سوف يظهر بعد المراجعة