من آدم لبنات حوا: إحنا كمان محتاجين اهتمام على فكرة!

السبت، 07 مايو 2016 11:00 ص
من آدم لبنات حوا: إحنا كمان محتاجين اهتمام على فكرة! رجل يرفع صوته بالنداء
كتبت سارة درويش

مشاركة

اضف تعليقاً واقرأ تعليقات القراء
"أصلها مش مهتمة بيا" تبرير يتكرر على ألسنة عشرات الرجال عند سؤالهم عن سبب خيانتهم للزوجة أحيانًا، أو سبب انفصالهم عنها فى أحيان أخرى أو بحثه عن الحب خارج المنزل، بينما ترى المرأة أنها تبذل كل ما فى وسعها وأكثر وتقدم تضحيات كثيرة حتى أنها "قادت له صوابعها العشرة شمع" كما يقول التعبير الشعبى.

ولكن إذا افترضنا صدق الرجل فى تبريره، قد يكون هذا المجهود الضخم الذى تبذله المرأة غير قادر على الوفاء باحتياجات الرجل رغم صدقه وإخلاصه، ولهذا كان يجب أن نسأل الرجل، المتهم دائمًا بالتقصير وعدم الاهتمام عن شكل الاهتمام الذى يحتاجه..

"محتاج منها تهتم بنفسها"

يرى "أحمد السيد الفقى" أن اهتمام المرأة بنفسها هو أبلغ صورة لاهتمامها برجلها ويقول "دون دبلوماسية أبلغ صورة لاهتمام الشريكة بى هو اهتمامها بنفسها وبدورها وحضورها ومستقبلها، هذا طبعًا غير التفاصيل الطبيعية الدقيقة التى تكون محل اهتمام بين الطرفين مثل اهتمامها بسعادتى والتفاصيل الصغيرة التى يمكن أن تسعدنى، وبالطبع اهتمامها بمستقبلى وحياتى وتقديرها لانشغالى عنها بسببهما بعض الوقت".

"محتاج اهتمامها باحتياجاتى مش تفاصيلى"

أما "أحمد محيى" فيرى أن الاهتمام يختلف من شخص لآخر ولكن بشكل عام يحتاج الرجل من البنت الاهتمام بأغراضه واحتياجاته وليس تفاصيله أو مصادر دخله.

ويوضح "الأهم أن تهتم بما احتاجه وليس بالسؤال رايح فين وجاى منين وزعلان مع فلان ليه وبتضحك مع فلانة ليه وكده يعنى".

"الاحترام والمساندة هما دليل الاهتمام"

بشكل آخر يرى "مؤمن وصفى" اهتمام المرأة بالرجل، ويقول "بالإضافة إلى اهتمام الأنثى بنفسها، احترامها له أمام الناس نوع آخر من الاهتمام، وكذلك المساندة فى المواقف الصعبة"، ويضيف "الاهتمام هو الابتسامة وأن يشعر الرجل أنها تشعر به وأن تكون رقيقة فى أسلوبها معه، والاهتمام هو السبب فى الكثير من حالات الانفصال".

"محتاج تتكلم معايا وتشاركنى اهتمامتى"

ويرى "محمد الوكيل" الاهتمام فى تبادل الحديث والاستماع باهتمام ويقول "أحب إنها تتكلم معايا فى اللى بتكلم فيه، تشاركنى اهتمماتى أيًا كانت وتتكلم معايا فيها بشغف مش مجرد مجاراة أو محاولة إرضاء"، ويضيف "بشوف الاهتمام فى إنها تعرف أنا إمتى عايز سكوت وإمتى عايز اهتمام أو سؤال بدون ما أطلب".

"الاهتمام هو إنى الاقيها فى ضهرى"

وبعد كثير من التفكير قال "محمد سعيد" الاهتمام مش إنها تتطمن عليا 24 ساعة أو تسأل عنى كل شوية، لكن الاهتمام اللى بيحتاجه الراجل بجد هو لما يكون فى موقف يلاقيها فى ضهره بتسنده من غير أسئلة"، واستطرد "الاهتمام مش بالكلام، ممكن تكون ساكتة وبتبص على الراجل وقت محنته وما بتعملش حاجة بس دا يبقى عنده أكبر اهتمام".


موضوعات متعلقة..

قبل ما تندمى .. 3 خطوات تساعدك فى الخروج من علاقة عاطفية غير مناسبة

الإنصات والاحترام.. ما يجب أن يعلمه الأب لابنته عن الحب الذى تستحقه









مشاركة



الرجوع الى أعلى الصفحة