النائبة رانيا السادات: نرفض تجاوز الحكومة واستهانتها بطلبات النواب

الإثنين، 18 يوليو 2016 08:12 م

لجنة الاقتراحات والشكاوى

كتب محمود حسين

اضف تعليقاً واقرأ تعليقات القراء

استنكرت النائبة رانيا السادات، عضو مجلس النواب ببورسعيد، والشهيرة بـ"عيون بورسعيد"، وعضو لجنة الاقتراحات والشكاوى، تجاهل الحكومة للنواب وطلباتهم.

وقالت رانيا السادات فى تصريح لـ"اليوم السابع" "هذا الأمر هو اللى شاغل بالنا كلنا كنواب.. فبعد ما قعدنا شهرين علشان نحلف اليمين ادبحنا فى دوائرنا، وقلنا نشوف مشاكل دوائرنا وناخدها ونقدمها للحكومة لحلها، فرئيس الوزراء هو اللى دعانا كنواب بورسعيد، واتكلمنا فى المشاكل واتقالنا سيتم وضع مشاكلهم ضمن برنامج الحكومة وفوجئنا ولا حاجة فى البرنامج.. وكل النواب وحدوا الصف إننا انضحك علينا.. بعد المرحلة دى أنا رفضت بيان الحكومة".

وأضافت "فى الوقت اللى الحكومة احتاجتنا فيه طلبتنا، دلوقتى ندور على الوزير علشان ناخد ميعاد، ودخلت لرئيس المجلس وقلت له أنا مش هقبل إن أتذل لوزير، وقال لى قدموا طلباتكم من خلال اللجنة التابعة لها".

وأشارت إلى أنها تقدمت حتى الآن بنحو 15 اقتراحا برغبة وبعضها حصلت على موافقات بشأنها من المحافظة خلال الفترة الماضية، إلى أن جاء دورها وتم وضع 5 اقتراحات فى جدول أعمال لجنة الاقتراحات والشكاوى، وهناك اقتراحات كان الرد من الحكومة عليها خطأ، قائلة: "الوزارة تجيب سكرتير عام المحافظة يناقشنا ويرد علينا مش تجيب حد من الوزارة من خارج المحافظة ميعرفش حاجة من المشكلة أو الطلب المقدم.. إحنا لا بنلعب ولا بنهرج ومش هنسكت.. فإما نجاهد فى الوضع اللى إحنا فيه أو نقول للمواطن ونعرفه ونقول حسبى الله ونعم الوكيل".

وختمت النائية تصريحها قائلة: "هنصعد الموقف بشكوى مجمعة من أعضاء اللجنة لرئيس المجلس ضد تهاون وتجاوز الحكومة مع اللجنة لإجبارها على احترام اللجنة وأعضائها وشكاوى المواطنين، إحنا بنجيب شكاوى المواطنين وبنقدمها للجنة علشان تناقشها وحلها".

النائبة رانيا السادات: نرفض تجاوز الحكومة واستهانتها بطلبات النواب

موضوعات متعلقة