نظم عدد من شباب الفنانين التشكيلين، وقفة احتجاجية اعتراضا على غلاء سعر أدوات الرسم للضعف، وذلك أمام أحد المكتبات الشهيرة لبيع هذه الأدوات.
ودشن الفنانون "ندى الحارونى، هشام وليد، وريم طه، وعمر البغدادى" دعوة على موقع التواصل الاجتماعى "فيس بوك"، أعلنوا فيها اعتراضهم على غلاء الأدوات للضعف بحجة الدولار، مؤكدين أن المكتبات تستغلهم وتستغل طلبة كليات الفنون والموهوبين.
وأوضح الشباب فى دعوتهم أنهم بدأوا بنفسهم وقرروا تنظيم الوقفة أمام إحدى المكتبات الشهيرة، ورفضوا الظلم والسرقة والاستغلال، متابعين: "حتى الرسم مش عارفين نشترى أدواته، ده إحنا نبطل رسم أوفر، نسرق بقى علشان نرسم".
وقالت "ندى الحارونى" إحدى المنظمات للدعوة عبر صفحتها على فيسبوك: "عملنا اللى علينا ونزلنا واحتجينا على الأسعار وهانقدم بلاغ لحماية المستهلك بس طبعا دى مصلحة عامة"، وتابعت: "موضوع الاستغلال اللى حصل دا مش صغير وإحنا هنفضل نطالب بحقوقنا لحد ما يوصل صوتنا، الحاجة اللى كانت بـ10 بقت بـ20 و25، يعنى غليت أكتر من 100%! طيب إزاى فى يوم وليلة؟".
وأضافت ندى: "من أقل حقوقنا نشترى أدوات فنية ومكتبية بسعر يرضى ربنا، من حقنا نمارس هوايتنا أو دراستنا اللى مش فى إيدينا غيرها بدون استغلال ونصب".
