- الحكومة بتعايرنا إنها بتصرف علينا
فى ناس خيبتها السبت والأحد، وباقى الأسبوع أجازة، وفى ناس بتشتغل طول الأسبوع وبتاخد أجازة الجمعة والسبت، وتسمع مثلا عن اجتماع رئيس الحكومة مع النواب، فيمكنك أن تتخيل ما حدث فيه، خصوصا حين تعرف أن الحكمة من «القعدة» كلها تلخصت فى قول رئيس الوزراء للنواب: «انتم باصين للى بناخده من الناس وناسيين اللى بنصرفه عليهم»، وعايرهم باللى الوزراء بيصرفوه من جيوبهم ع الشعب، وانتهى الاجتماع، وجنابه عرفهم غلطهم، ومشيوا، ومصر جميلة.
- علِّم فى المتبلم
بص، لو حضرتك زهقت، أنا مش هزهق، وهفضل أتكلم هنا عن حوادث الطرق إن شالله كل يوم، عشان إحنا لو بنكلم كفرة كانوا آمنوا من الإلحاح، قالك يا سيدى إن وزير النقل كلف نفسه، وكلف رئيس الطرق والكبارى بفحص طريق المنصورة بعد تصادم أتوبيسين، ووفاة وإصابة 33 مواطنا، بصراحة بيتعبوا الإخوة المسؤولين دول، وتطلع الورقة بنتيجة الفحص إن كله تمام، وكالعادة كل يوم 50 مواطن ميت، مش قلت لك مصر جميلة.
عدد الردود 0
بواسطة:
مصطفى
هو رئيس الوزراء بيصرف على نفسة
رئيس الوزراءوالحكومة بتعتةكلهاوالقضاة العيزين يخصمو من الغلابة علشنهم والاعلام الفاسدكلةهم شركاء رجال الاعمال فى الشركات بيتفحو ببلاش من دم الغلابة واخرتها يجى اهطل يقول احنا بنصرفو على الشعب مصر الان اوسخ من ايام مبارك شوية زيادة كهرب مية ضرايب حساب الهواء صحة القضاةو الحكومة انت فاشل حكومة فشلةبكل المقايس