- إلى المتواطئين.. حطموا كل أعراف الصواب والخطأ ولكن لا تمسحوا ظهوركم بحوائط منازلنا
لماذا ترتكبون كل الجرائم المشينة فى حق أنفسكم، وتدمرون نماذج النجاح الحقيقية تدميرا ودون رحمة أو لحظة ندم؟! كيف ترتضى ضمائركم، وتستريح، وأنتم تشاركون فى تدمير إحدى العلامات البارزة فى تاريخنا المعاصر، ورافع راية الوطن خفاقة فى المحافل الدولية، وجالِب السعادة لغالبية المصريين من البسطاء والغلابة التى أعطت الدنيا لهم ظهرها، ولم يعد هناك ابتسامة ترتسم على شفاههم إلا الابتسامة التى يطبعها النادى الأهلى، سواء بالفوز فى مباراة أو تحقيق نصر كروى غالٍ على منافسيه، أو الفوز ببطولة محلية أو قارية، أو احتلال مركز متقدم فى بطولة كأس العالم للأندية.
نادى القرن أفريقيًّا، تتحدث عنه بكل احترام أندية ريال مدريد وبرشلونة ومانشستر يونايتد واليوفنتوس وغيرها من الأندية التى تتنافس على زعامة المركز الأول عالميا فى عدد حصد البطولات. النادى الأهلى سفير مصر الحقيقى، الذى يشرف البلاد والعباد، ويرفع الهامات والرايات عالية، لتعانق سماء المجد والانتصار وتجلب الفخر، والاعتزاز والثقة بالنفس، هذا النادى يتعرض ومنذ ثورة 25 يناير لكل أنواع التنكيل، فى واحدة من أبشع جرائم العقاب على انتصاراته ومجده الكروى وتسطير اسمه بأحرف من ذهب فى الداخل والخارج، وسط صمت الجميع الذى وصل إلى حد التواطئ.
البداية، وضع سيناريو إبعاد أبنائه المخلصين من المشهد، وطرد مجلس بإنجازاته المدوية، بحيلة حقيرة ضد كل أدوات المنطق والعقل، ومفهوم الحرية والديمقراطية الحقيقية، بلائحة ولا أسوأ، تمنع الترشح على مقاعد مجلس الإدارة سوى مرتين، ونفذ العامرى فاروق الذى يسير وفق قاعدة الشىء ونقيضه، وتتقلب مواقفه، تقلب طقس الخريف، ومن بعده طاهر أبوزيد، ومصطفى يونس، مؤامرة الثمانى سنوات، والدفع بأسوأ مجلس إدارة عرفته القلعة الحمراء منذ أكثر من قرن.
محمود طاهر لعب الدور الأبرز فى إسقاط هيبة النادى، المرعب، مثلما فعلت ثورة يناير بالضبط، والتى ساهمت فى إسقاط هيبة الدولة، وأوقف مسيرة الانتصارات والإنجازات، وعطل منافسته لأندية ريال مدريد وبرشلونة فى تصدر قائمة الأندية الفائزة بأكبر عدد من البطولات، من خلال ارتكابه لكل الموبقات الإدارية، وعناد وتعنت لم يسبقه شخص يدير مؤسسة ضخمة مثل الأهلى، واختيارات مدربين وأجهزة معاونة ولاعبين لا يستحقون السير بجوار سور النادى.
محمود طاهر، ساهم بشكل خطير فى تغول وتوحش روابط الألتراس، واستعان بهم لمحاربة خصومه، فانقلب السحر على الساحر، مثلما ساهم عدد من اللاعبين الحاليين والقدامى فى مساندة ودعم هذه الروابط، ليصنعوا منهم دولة للبلطجة داخل الدولة، كما تحولت روابط الألتراس، بعد دعمها ومساندتها، وتربيتها على «العز وأكل الوز» لتكون الوحش الذى يهدد النادى والدولة معا بالتهام استقرارهما وأمنهما، وأصبحوا رقما صحيحا فى معادلة الخطر الرياضى والسياسى والاقتصادى للأسف. وكالعادة الدولة تقف متفرجة، مرتعشة، متوسلة، وتخسر يوميا أرضا جديدة أمام روابط الألتراس وغيرها من الروابط والجماعات والحركات الشبيهة، وغير الشبيهة، وكأن الأمر لا يهمها، وتزداد الخروقات للقانون، وينهار كل يوم جزء جديد من جدران الهيبة والقوة.
ما حدث فى تدريب الأهلى، مساء أمس الأول الثلاثاء، فى مقره بمدينة نصر، من اقتحام صبية مجرمين وبلطجية تحت سمع وبصر رجال الأمن وقيادات وزارة الداخلية، وبعلم وزارة الشباب والرياضة، يستوجب قرارات حاسمة، ضد المقصرين، بعد تعرض سمعة مصر للإساءة البالغة. ونسأل، ما السر وراء توحش دويلات البلطجة، على كل شبر فى البلاد، من بلطجة اغتصاب الممتلكات والحقوق، وبلطجة الملاعب، والبلطجة السياسية، والبلطجة الاقتصادية- وأزمة الدولار خير دليل- وغيرها من استشراء دويلات البلطجة؟ الأمر يستوجب التدخل فورا بجراحة عاجلة لاستئصال المقصرين من حملة الحقائب الوزارية، بجانب محمود طاهر، لأنهم يتحملون وزر ما حدث، بعيدا عن المجاملات، والطبطبة، ماذا وإلا فافعلوا ما شئتم، دون خجل، مرة، بل مئات المرات، واستزيدوا من ذلك الذى يُقلل من قدركم أمام الدنيا كلها، وحطموا كل أعراف الصواب والخطأ، ولكن لا تمسحوا ظهوركم بحوائط منازل هذا الوطن!!
عدد الردود 0
بواسطة:
Aliabdalnaseer
دندراوي الهواري
صح لسانك وسلمت يداك نعم صحيح
عدد الردود 0
بواسطة:
khaled sakr
معلش يا رقم 2
عاوز اقولك بس انت و كتير من اللي بيرددوا من غير ما يفهموا بالضبط زي البغبغانات ان لبانة مبارك و وزراءه حرامية ان دي عبارة رددها الاخوان و حلفاءهم وقت الثورة المشئومة التي لم نري منها غير الخراب علشان يشيلوه و ينطوا علي الحكم و لو عندك اعتراض تقدر تقوللي ازاي مصر كان عندها احتياطي 36 مليار دولار مع الحرامية و دلوقتي مش لاقية تاكل مع الشرفاء
عدد الردود 0
بواسطة:
منوفى
سأذبج عجلين
يااااااه ياراجل اخيرا وبعد عناء طويل اتيت بسيره الحكومه***صراحه اول ماوقعت عيناى على العنوان ووجدت كلمة الحكومه قلت اخيرا استجاب الكاتب لنداءات وادعية واستغاثات واهات وانات المصريين له بان يتكرم ويتعاطف علينا ويوجه كلمة للحكومه دون ان يجرح مشاعرها فمشاعر حكومتنا مترفه مرهفه فيما يخص الاسعار والحياه التى اصبحت نار والعيون التى ينطلق منها الشرار**نزلت مهرولا الى تفاصيل الموضوع *فوجدت الكاتب يتحدث عن النادى الاهلى*فقلت ياخراب بيت اهلى*الم يكن ذكرك للحكومه فيما يخص الشعب*الذى تناوبت عليه الاقدار من كل من هب ودب*ايهمك ويعنيك ويغضبك طاهر والالتراس*ولايحرك لك شعرة غضب الناس**فقررت ان اذبح من اجلك عجلين**اوزع لحومهما فى السيده والحسين**لعل الله ان يرقق قبلك علينا *وتنظر نظرة الينا*
عدد الردود 0
بواسطة:
عادل
لماذا
ولماذا لم تتدخل قوات الامن لمنعهم من دخول النادي ، هنا السؤال وكان عليك ايضا توجيه. الاتهام اليهم ايضا ، وعفوا استاذ داندراوي هو كل حاجة. تدخل فيها ثورة يناير ؟
عدد الردود 0
بواسطة:
بهدوء
الى المحترم 5
بتقول مصر كان عندها 36 مليار احتياطى مع الحراميه**ودلوقتى مش لاقية تاكل مع الشرفاء**وتطالب المعلق 2 ان يجيبك**طب ماحضرتك اسال الشرفاء***وبمناسبه لبانه ان مبارك ووزارءه حرامية وان ده كلام اخوان واى هجص والسلام***حضرتك ياافندم ال5 مليار يتوع حسين سالم دول الراجل وهبهم لمصر يعنى بيمن علينا واللا تسميهم ايه***وزير سياحه مبارك المسجون دلوقتى سجنبنه ليه بيقضى اجازه فى السجن**رشيد وغالى هربانين ليه**القضاء اللى حكم على مبارك هوه كمان اخوان **ارض السليمانيبه اللى اتقدر عليها 2 مليار من لجنه محلب تسميها ايه الارض اللى عمال محلب يحصرها واللى اتخدت بتراب الفلوس ده تسميه ايه***ايه يعنى عندك احتياطى والفساد للركب باعتراف زكريا عزمى**ياراجل دى فيلا نظيف اتضح انها مبنيبه على ارض نهر النيل وصادر لها قرار ازاله**فساد الصوامع اللى ظهر دلوقتى اصله وبدايته جت منين***يااخى ربنا نضفنا من عصابتين عصابة فلوس وعصابة دين***والجاى احسن وفكك بقه من مبارك والاخوان
عدد الردود 0
بواسطة:
احمد الدهشورى
الى صاحب التعليق رقم 5 khaled sakr
اولا لما بقول ان مبارك واركان نظامه حراميه يا ريت تفهم يا فصيح ان دا حكم محكمه الللى حكمت على مبارك الحرامى بالسجن واركان نظامه اللى قدم واللى لسه هيقدم للتصالح مع الدوله ودفع اموال طالبت بها المحكمه علشان حراميه يا اللى بدافع عن الحراميه ولما تقلى مبارك ساب احتياطى 36 مليار اقلك بلاش تكرر الكلام زى كتير من البغبغانات واسال ديون مصر كام فى عصر مبارك من عام 1981الى 2011 .. انا هقلك الاجابه يا فصيح وابقى اسال علشان انا متاكد انك مش عارف والاكيد مش فاهم ..ديون مصر يا عبقرى وصلت الى تريليون و174 مليار جنيه ما بين دين داخلى وخارجى.. يبقى بل ال 36 مليار واشرب ميتهم.. واقلك حاجه تانيه ..نظام مبارك هو من تسبب فى نشر واستفحال الفساد فى مصر واللى انت مش فاهمه كمان ان نظام مبارك هو السبب فى انتشار عصابه الاخوان واستفحالهم وشوف حجم اعمالهم اللى وصلت لمليارات .. بلاش كل دا هسالك سؤال وتحكم ضميرك. هل اجرى نظام مبارك انتخابات حره طيله فتره حكمه؟؟؟ هل احد التحق بنيابه او شرطه او حربيه او وظيفه فى بنك او بترول الخ الخ هل التحق بمعايير الكفاءه ام بمعايير الواسطه والمحسوبيه؟؟ وفى النهايه ستظل ثوره 25 يناير ثوره عظيمه قام بها شعب عظيم ولا زنب للثوره ان سرقها اللصوص..
عدد الردود 0
بواسطة:
اشرف محسن
الاستاذ عادل 7
ياعم عادل **حتلاقى بعد شوية ناس تقول عليك انك من بتوع كنتاكى ومن الشياب ابو ضفيره وانته اللى خربت البلد وادربت فى صربيا علشان تخرب البلد***لا وخلى بالك اللى بيقول كده مين *الخبراء **يعنى الخبراء عندهم معلومات مؤكده انك اتدربت فى صربيا وكنت بتسافر كده عادى يعنى **ونزلت التحرير علشان تنفذ المخطط وبرضه كده عادى يعنى**لاوايه الخبراء قالولك يبنى من حقك تعبر عن رايك وانك من الشباب الطاهر الصاعد الواعد ومطلبك مشروعه **وكده برضه عادى**والجماعه الكتاب والاعلاميين طلبوك بالثيات فى الميدان ووصفوك بانك رجل صدقت ماعاهدت الله عليه**ولما طلع الشعب معاك نفس الخبراءقالو هذا هو الشعب العظيم الذى انتفض وخرج من القمقم**اكيد طبعا انته عشت الايام دى****وخلى بالك وانته برضه بتدرب فى صربيا***المضحك لدرجه الهذيان ان مبارك مشى ومرسى مشى والسيسى موجود **وانته لسه بيتقال عليك بتدرب قى صربيا او كنت بتدرب فى صربيا ومع ذلك بتروح شغلك عادى وبتمارس حياتك عادى***للدرجة دى الناس متسمحه معاك لدرجه انكك تتدرب على قلب نظام الحكم ويسيبوك**الغريبه بقه واللى انا لسه مش فهمه لحد دلوقتى وحيجننى هوه التدريب كان فى صربيا ليه **مش كان المفروض يكون فى البرازيل باعتبارها احسن فريق كوره فى العالم*****ياعم عادل مدققش وعيش حياتك**همه بيقولو عليك مغيب وانته بتقول عليهم مغييبين**
عدد الردود 0
بواسطة:
عفوا
عفوا تعليقى 8 للاستاذ عادل 5
مع الشكر للسابع
عدد الردود 0
بواسطة:
مهندس اكرم
سؤال سألته الالاف المرات
الى من يعتبرون يناير مؤامره متكاملة الاركان-****ياجماعه فسروا لى وقوف الجيش معها وتحيته لها ولشهدائها**هل جيش 25 يناير مختلف عن جيش30/6**هل شعب يناير مختلف عن شعب30/6 باستناء الخونه الارهابيين**اليس وصفنا ليناير بالمؤامره هكذا على اطلاقه يعد طعنه فى الجيش ويفتح بابا من التساؤلات المحرجه**والتى منها هل كان الجيش على علم بتلك المؤامره ام لا***وفى كلتا الحالتين سواء على علم ام لا تكون مصيبه***ياجماعة اذا كان هناك متامرين معروفين بالاسم فلماذا لاتعلن اسماؤهم ولماذا لايقدمون للمحكمه **وحنى لو ظهر وتمت محاكمتهم واعدامهم فان ذلك لايعنى الطعن فى ملايين نزلو ا**افيقو يرحمكم الله
عدد الردود 0
بواسطة:
استاذ اشرف عبد العزيزى
همسه فى اذن الكاتب
اصرارك على وضع 25 يناير فى كل مقاله يجعل المعلقين ينصرفون عن موضوعك الاصلى(المقال) ويتشابكون بشان الثوره****انصحك كاخ صغير لك ضع كل شيئ فى موضعه **ولاداعى لتكرار يناير كثيرا كمالاداعى لمهاجمه اشخاص سبق وان كررت الكتابة عنها كثيرا***الافضل ان تنتقد الافكار والاراء بعيدا عن الاشخاص