شريهان أبو الحسن تعليقاً على إلغاء الميدترم: مبدأ أقفل الراوتر وشغله تانى

علقت الإعلامية شريهان أبو الحسن، مقدمة برنامج "ست الحسن"، على قرارات وزارة التربية والتعليم الأخيرة بشأن تطوير التعليم فى مصر قائلة: "الحقيقة إن تطوير التعليم فى مصر بقى عامل زى خدمة العملاء بتاعة شركات الإنترنت فى مصر، اللى هو الإنترنت فاصل.. طيب حضرتك أقفل الراوتر كده وشغله تانى هيشتغل ويبقى زى الفل".

وأوضحت الإعلامية شريهان أبو الحسن، خلال برنامجها "ست الحسن" ، المذاع عبر فضائية "أون تى فى"، أن طريقة "أقفله وشغلة تانى" فى مصر تحولت إلى ثقافة عامة لتصبح صالحة لأى شئ، لافتة إلى أن بعض الأشخاص يوصون بها عند المرض قائلةً "دا حتى لو عييت يقولك نام وتصحى إن شاء الله تبقى كويس .. كده من غير ولا دواء ولا علاج ولا كشف ولا أى حاجة.. وده نفس اللى بيحصل فى تطوير التعليم.. كل ما وزير يجى نقوله هتطور التعليم إزاى يقولك هشيل 5 أبتدائى وأعمل سادسة لا هشيل سادسة وأرجعها خامسة، لا أنا هشيل الإبتدائية وأخليها مرحلة واحدة مع الإعدادية زى ما حصل فى مايو 2013 ، وفى يوليو 2015 قالوا هنحط 10 درجات أعمال سنة للثانوية العامة.. فى أكتوبر نفس السنة قالك هنجمد القرار.. وبعدين إحنا هنلغى امتحانات الشهر ونعملها ميدترم زى الجامعات.. وأخيرا لا أحنا نلغى الميد ترم ونخليها امتحانات شهر".

وأضافت أبو الحسن، أن الأزمة التى تواجها وزارة التربية والتعليم ليست قيمة القرار نفسه، ولكنها تكمن فى كيفية إتخاذ القرار، وعلى ماذا تبنى تلك القرارات؟، لافتةً إلى أن مثل تلك القرارات تضع الطالب فى حالة من الارتباك مضيفة:  " تغييرات على طريقة أقفل الجهاز وشغلة تانى..اللى هو صباح الخير إحنا آخر مرة عملنا إية؟.. شيلنا امتحانات الشهر.. طب رجعها كده وشوف يمكن التعليم يشتغل.. صباح الخير عملنا أية رجعنا امتحانات الشهر.. طيب شيلها كده يمكن هيشتغل".