أكد مصدر مسؤل بوزارة التربية والتعليم، أن الوزارة حذرت المديريات والمدارس، من إجبار ولى الأمر على شراء الزى المدرسى من مكان بعينه ومنع أى مدرسة تفرض زى بسعر معين على الطالب، مضيفا أن هناك بعض المدارس تقوم بتوجيه أولياء الأمور على شراء الزى من المدرسة نفسها.
وأوضح المصدر فى تصريحات لـ"اليوم السابع"، أن المدرسة تحدد نوعية الزى مع ترك مصدر الشراء لولى الأمر دون التدخل، مؤكدا أن أى مدرسة يثبت فرضها زيا معينا بأسعار بعينها سيتم اتخاذ الإجراءات القانونية ضدها، قائلا: "لولى الأمر حرية شراء الزى من المكان الذى يرغب فيه مع التزامه بالألوان التى تحددها إدارة المدرسة ونوعية الزى".
عدد الردود 0
بواسطة:
حبايب نجاح الغنيمي
طب واللوجو
ياسعادة الوزير المدارس عامله لوجو باسمها ع اليونيفورم بتاعها طب تانجيبه منين غير م المكان اللي مصممهولها ومصنعهولها
عدد الردود 0
بواسطة:
ادهم
بعد ايه سيادتك ؟
هوة فيه حد لسة ماشتراش لولاده الزى المدرسى ؟ ، ومن مصنع معين تحدده المدرسة بالامر ، والملابس طبعا بسعر مغال فيه جدا علشان النسبة اللى بتروح للمدرسة ، والتدقيق الصارم فى اول ايام الدراسة ككل سنة من اجل اجبار كل اسره على شراء الزى المدرسى من المكان المحدد ، طبعا لن نتحدث عن الافترا فى اسعار الزى المدرسى بالمدارس الخاصة على اعتبار يعنى ان اللى بيودوا اولادهم فيها يبقوا ناس بيلعبوا بالفلوس وخللى الناس تسترزق . المشكلة هنا هى مشكلة ضمير ونحن اولياء الامور نرضخ حفاظا على نفسية اولادنا اول يوم دراسى عندما يتم الضغط عليهم بحجة النظام يلزم بارتداء زى موحد وهنا يشعر الطفل انه اقل من زملاؤه مما يؤثر سلبا على اتزانه النفسى ...
عدد الردود 0
بواسطة:
إيهاب كمال رزقالله
الزى المدرسى
مدرسة منارة المعادى - زهراء المعادى - ت: 25200204 - 27543505 المدرسة مازالت تفرض علينا شراء الزى المدرسى من المدرسة نفسها بأسعار أغلى بكثير من السنة الماضية وعند الإعتراض يقولون : روح إشتكى فى الوزارة ومافيش حاجة هتتغير ... !
عدد الردود 0
بواسطة:
احمد
ن
أنا دافع 940جنيه لولادى الاتنين لبس مدرسة الاقباط المنيا
عدد الردود 0
بواسطة:
مصر
المدارس حتحدد المكان والسعر يا وزير التربيه والتعليم واتحداك ان لم يفعلوا
واتحداك اذا انت فعلت لهم شئ من بعد عبدالناصر واحنا بنسمع هذه التصاريح الرنانه وانتهى المشوار فاهم بنسمع بس
عدد الردود 0
بواسطة:
كرم محمد
مدينة 15 مايو
احب اعرفك يا معالي مسئول التربية والتعليم انكم عايشين في بلد تانيه هقولك على مثال واحد وانزل حضرتك ده لو حبيت يعنى مدينة 15 مايو بالكامل بتنزل تجيب الزي المدرسى من محل واحد اسمه العصر الحديث في حلوان - انزل حضرتك لو عند سيادتك وقت - حسبى الله ونعم الوكيل
عدد الردود 0
بواسطة:
مروان
7
والله حرام محدش حاسس بالشعب
عدد الردود 0
بواسطة:
mohamed
كلام جرايد
ياسيادة الوزير انزل مدينة كفر شكر وروح مدرسة كفرشكر الرسمية وانت تعرف انهم متفقين مع محل اسمه مش هقولك امام مضيفة محى الدين على الزى المدرسي الخاص بيهم وعليه الباتش باسم المدرسه وطبعا هوده المحل الوحيد ال عنده الزي وبيتحكمو فى السعر وابقى قابلنى لوعملتو حاجه كلاااااااااااااااااااااااااااااااااااااااااام جرايد
عدد الردود 0
بواسطة:
واحد من الناس
شوف مدرسة البطريركية ش رمسيس
شوف مدرسة البطريركية ش رمسيس لازم الشراء من محل روز مارى بالظاهر ولانه محتكر الزى المدرسى ف الاسعار نااااااااار واللى مش مصدق يروح روز مارى
عدد الردود 0
بواسطة:
ولية امر طالبة
رقم 9 يكسب
روز ماري محتكر بتاع تلات اربع مدارس المير دو ديو، والساكر كير، والبطرياركية، وكذا حاجة تانيين.. انا دفت 1300 جنيه عشان اشتري لبنتي اليونيفورم.. دة ناهيك عن المصاريف اللي كل سنة تغلى والكتب: تلات كتب اتنين منهم جايين من فرنسا - بس بصيت عليهم في امازن فرانس لقيت الواحد بتمنتاشر يورو بس - ودفت في الشيلة 1500ج ومنهم كتب جاية ببلاش م الوزارة وبالتحديد كتاب العربي. ارحمونا بجد احنا مسحملين المرار عشان عيالنا تكبر وتلاقي عيشة احسن من عيشتنا بس الظاهر ما فيش امل..