ما بحبش أكون ألا أنا
ما بحبش الرسميات
ولا عمرى لبست بدل
ولا أعرف الكرفتات
ومبروحش مؤتمرات
ولا بطلع على الفضائيات
ولا بحضر ندوات
ومش غاوى منظرة
أنا زى ما أنا
وما بحبش أكون ألا انا
فى كل المناسبات
وما بحبش الرسميات
ولا بأخترع حكايات
وبلعب مع العيال فى الشارع
وبحبهم كلهم وبينادونى بأسمى
وأناديهم باسمهم
ولما يتعركوا
أصالحهم على بعضهم
هما دول بكرة اللى جاى
هما دول اللى فى عينهم الضي
أنا زى ما أنا
كل واحد مفكر نفسه شيخ قبيلة
يحط بينى وبينه سد
وبعرفه ان مهما كبر
انه حاجة قليلة
ومش طالبة منظرة
ولا ناقصة فشخرة
وكل واحد فينا
لازم يعرف انه قاطع تذكرة
رايح جاى
عدد الردود 0
بواسطة:
حنين
حلوةح
روووووووعة بحق