• سبحان الله.. حكومة شريف إسماعيل شغالة عادى جدا، رغم أن هذه الحكومة فيها سم قاتل لأى خير فى البلد، طب مفروض يحصل إيه أكتر من اللى حاصل عشان نغير؟!.. ده الواحد لو لبس أى هدوم وطلعت ضيقة عليه ما بيطيقهاش وبيقلعها، هنفضل إحنا لابسين الحكومة دى لحد إمتى؟
• انتشرت جدا ظاهرة سير السيارات الملاكى بدون لوحات معدنية فى شوارع الجمهورية، فى تواطؤ عجيب من الجميع، عموما هذه الحركة بشرة خير، رغم أنه للأسف لما تقع بتقع على دماغ الكل.
• السادة النائمون على ودانهم فى هيئة الطرق والكبارى، أكبر هيئة قاتلة فى مصر، مطباتكم وحفركم وغباء تخطيطكم وفشلكم الجميل يحصد مئات الأرواح يوميا، اتقوا يوما ترجعون فيه إلى الله، وعاملونا زى بغلة عمر، يا بختها.
تم أضافة تعليقك سوف يظهر بعد المراجعة