علقت الفنانة زينة على حكم براءة الفنان أحمد عز فى قضية السب والقذف، التى أقامتها ضده منذ عدة أشهر، وكتبت على موقع "انستجرام"،: "معلش بقى أنا ماكنتش ناوية أعلق بس بصراحة كدبك اللى مالوش نهاية بيستفزني جدا.. أولا مبروك برائتك من قضية السب والقذف فى حقى ولو إن مبروك من تهمة دى مش حاجه تشرف أوى.. يعنى أنت ما اخدتش جائزة نوبل!! وكده كده ماكنتش هاسيبك تتسجن علشان ولادك مايبقاش أبوهم رد سجون".
وقالت زينة عبر حسابها،: "ارجع بقى من لندن اللى أنت مستخبى فيها.. ماتخافش مش دى صورتك هناك.. أما بقى لو جبت سيرة ولادك وقضية النسب دى تانى هيكون ليا تصرف تانى معاك وبالقانون لأن القضية دى اتقفلت لآخر يوم فى عمرك.. بطل كدب وبطل تضحك علي الناس لأن الناس مش هبلة وخلاص اتلهى فى شغلك ومعجباتك اللى تعرفهم معرفة شخصية من قلتهم .. وكفاية بقى فيلم محترم ده علشان ماحدش بيصدقه غيرك".
وأضافت: "الناس عرفت حقيقتك وياريت تبطل تستغبى الناس .. والأهم من ده كله لو كان تم الحكم عليك كنت هاحس إن ربنا بيحبك وبيكفر عنك في الدنيا.. لكن الحمد لله حتى يبلغ الحمد منتهاه حسابك عند رب العالمين شايلهولك كله فى الآخرة ومفيش أعظم من حساب ربنا.. وابقى روح لربنا قوله أقسم بالله".
تويتة القنانة زينة
عدد الردود 0
بواسطة:
حنان عبد الرازق
حفظ لماء الوجه
يعني إيه " ماكنتش هاسيبك تتسجن " ؟ امال بتتسلى في المحاكم ولا إيه ؟ و ماصدقش إنك كنتي هتتنازلي لو كان اتحكم عليه بالحبس في الجنحه إنتى بتقولي كده لإنك متغازه إن المحكمه برأته
عدد الردود 0
بواسطة:
غسيل وسخ
غسيل وسخ
غسيل وسخ
عدد الردود 0
بواسطة:
قارئة
بزيااادة قررررف بقى
الموضوع المقرف مش هنخلص منه بقى ..... زهقنننننننا... الرحمة حلوة . .. خليتوا البنات اللى ماشية غلط تحس بالنصر المبين انهم لو عاشوا موقف مشابه ربنا هينصرهم و يثبتوا نتاج الوقت الظريف اللى قضوه مع بعض ...قصدى ولاد الجواز العرفى
عدد الردود 0
بواسطة:
ابن شديد
لعن الله الزاني والزانية
لعن الله الزاني والزانية
عدد الردود 0
بواسطة:
احمد
و ما فكرتيش فى حسابك
مش هيتحاسب لوحدة هتتحسبى معه
عدد الردود 0
بواسطة:
عايدة
الست دية بتحب الراجل دة
كلامك بيقول انك لسة بتحبة بس متضايقة من اللي عملة معاكي عندك حق هي حاجة تضايق بس الغيرة منة و علية واضحة هو لو بيفهم تزوجك شرعي و عيش مع اولادة و يحاول ينسيك اللي فات و بلاش فضايح لحد كدة زي في يوم من الايام احمد الفشياوي حدث معة نفس الموضوع و صلحة بحكمة و بيربي بنتة معاة دة راي واحدة فاهمة الحريم
عدد الردود 0
بواسطة:
الاسكندراني
..ياأحلى مصلح اجتماعي ياعااااايده ...بس دول أرفونا أوي يا عااااااايده ....المهم ........أسعد وطيب الله مساءكم وتصبحون على خير .
عدد الردود 0
بواسطة:
bitta
اسكتي بدل ما تفقدي التعاطف
خلاص يازينة اسكتى بقى ولمي نفسك وولادك وربيهم صح ومش عايزين نعرف عنك اي شئ الا اعمالك.
عدد الردود 0
بواسطة:
مواطن مصري
اذا بوليتم فاستتروا
اذا بوليتم فاستتروا
عدد الردود 0
بواسطة:
eslam kamal
ياختى قميله
الراجل لفك بكلمتين حلوين وانتى وافقتيه