أعلن ممدوح عبد الفتاح رئيس الشركة القابضة للصناعات الغذائية بوزارة التموين والتجارة الداخلية، عن وصول 20 ألف طن زيت طعام من أوكرانيا ذات نوعية جيدة من الدرجة الأولى تحمل اسم "تحيا مصر"، وأنها تطرح بمنافذ المجمعات الاستهلاكية بأسعار تقل عن مثيلاتها فى الأسواق الحرة بنسبة 20%، حيث يبلغ سعر لتر الزيت عبوة كيلو 20 جنيهًا، فى حين أن سعر المماثل للعبوة فى الأسواق الأخرى بـ25 جنيهًا.
وأضاف ممدوح عبد الفتاح رئيس الشركة القابضة للصناعات الغذائية، فى تصريحات لـ"اليوم السابع"، أن اللواء محمد على مصيلحى وزير التموين والتجارة الداخلية، وجه بتوفير جميع المنتجات والسلع الغذائية بمنافذ المجمعات الاستهلاكية، إضافة إلى قيام شركتى الجملة بصرف السلع التموينية المدعمة لبقالين التموين، تمهيدًا لصرفها لأصحاب البطاقات التموينية فى مختلف المحافظات.
وأوضح ممدوح عبد الفتاح، أن مصانع السكر تواصل استلام محصول القصب وإنتاج السكر المحلى لطرحه على البطاقات التموينية بسعر 7 جنيهات للكيلو، وأنه يتم ضخ كميات كبيرة يوميًا تصل إلى 8 آلاف طن فى المجمعات الاستهلاكية والأسواق، بجانب طرح القطاع الخاص السكر حاليًا.
عدد الردود 0
بواسطة:
ســـــــــــــــــــــامو الذى يقرأ باستمرار
مابلاش أوكرانيا !
بكده الناس ح تنور فى الضلمة بعد 6 شهور من الآن !
عدد الردود 0
بواسطة:
ميرو
تحيا مصر
تحيا مصر وهى مستورده من بره امال لو متصنعه فى مصر كنتوا كتبتوا عليها ايه بطلوا نفاق وكدب
عدد الردود 0
بواسطة:
احمد الشيخ
هى 1 كيلو ولا مثل زيت التموين نصف كيلوا و السكر
التعليق فوق ؟؟؟؟؟؟؟؟؟؟؟؟؟؟؟
عدد الردود 0
بواسطة:
مصراوي
الانصاف في العمل والفهم والقول
يا استاذ ميرو لحظه من فضلك ليس كل ما يتم شراؤه بالضروره يمكن تصنيعه وخصوصا منتجات مثل زيت الطعام خلي بالك دي منتجات بحاجه لموارد كبيره ليست متوفره بمصر يعني لا يتم زراعه الذره الخاص بزيت الطعام بكميات كبيره بمصر لاسباب جغرافيه لذا يتم استيراده وكل العالم بيعمل كده واوكورانيا بتستورد منتجات كثيره من الخارج محدش قال هناك ما قلت خليك منصف وفاهم بلاش السواد اللي علي طول الخط ده الامور تكلمليه الجيد ان تحصل عليه بسعر منافس وشكرا
عدد الردود 0
بواسطة:
seaf
الزيت والسكر
أم الدنيا تستورد من اكرانيا جتكو القرف . خربتوها
عدد الردود 0
بواسطة:
انصاف
الي السيد بتاع الانصاف رقم 4
اه علي اساس ان حضرتك شايف الانصاف في كل حاجه فزعلتك اووووووووي ان الراجل مرضيش يعدي موضوع الزيت , يا سيدي عدي موضوع الزيت وعدي موضوع السكر اللي بيستوردوه وطبع علشان مناخ مصر والجغرافيه مينفعش ولا كان مصنع سكر نجع حمادي من اكبر مصانع العالم في السكر عديها وعدي الدقيق علشان مناخنا والجغرافيه غير مناسب لزراعة القمح ههههههههه , والشاي برضه علشان مناخنا والجغرفيه , خلينا باه في الابره وقلم الرصاص والعاب الاطفال ومعظم مستلزمات البيت الصغيره . ابقي رد باه وقولي ايه المناسب لمناخنا والجغرافيه بتاعتنا . ايه نسيت رئيس غانا قال ايه في حواره مع الريس لما كانو في غنانا قال مصر في حاجه الي الخضروات والحبوب واللحوم والاسماك . مصر التي تمتلك اطول سواحل في العالم وافضل تربه للزراعه وكانت في عهد سيدنا يوسف خزانة الارض وليه في عهد سيدنا يوسف في عهد الملك فاروق كانت مداينه بريطانيا واروبا كانت بتاكل من خيرها يا ابو انصاف . شغل عقلك وامنع الحراميه الخونه وصنع زيت وابره وقلم رصاص يا سيد ابو انصاف
عدد الردود 0
بواسطة:
Mohamed
حكومه بتاجر بالشعب
الحكومه لما استوردت الزيت ده كان سعرها من 11الي12يعني اشترتهه أرخص بس لما جه ووصل لازم يكسبه ويتجره وسعره أصلا من 20 الي 25واحلي حاجه عارفين زجاجه الزيت وصلت 25 فين الراقبه علي حمايه المستهلك وضبط السعار
عدد الردود 0
بواسطة:
اسكندراني مغترب
سويسرا اللي هي من ضمن اغلي 5 بلاد في العالم
زجاجة الزيت في سويسرا ب 50 جنيه مصري بالضبط, يعني في مصر نص سعرها في سويسرا, بس الحد الادني للراتب في سويسرا بعد الضرايب يعني اقل راتب لشخص في سويسرا هو 35 الف جنيه شهري, وبقية الاشياء والاسعار برده في سويسرا ضعف مصر بالضبط في كل حاجه يعني مش الزيت بس . يعني المفروض الحد الادني للراتب في مصر هو 17 الف ونص جنيه شهريا يعني نص اللي في سويسرا عشان الانسان يقدر يعيش عيشه كريمه ويعلم اولاده ويربيهم كويس. وفيه مذيع بيقولك عيش 2 جني في اليوم, والتانيه تقولك كفايه اوي تاكل طقتسن بس في اليوم !
عدد الردود 0
بواسطة:
مشمش
اسعار الزيت فى مصر مثل اسعاره فى اوربا ..كذلك السكر حوالى..{1€}..وارز الطبيخ كذلك
اما الارز الذى ناكله المكسر فهو ارز اللبن..لعمل.. الارز باللبن
عدد الردود 0
بواسطة:
هاوى
الجكومة بقت التاجر الوحيد فى البلد
وتقولك جشع التجار .. رحت اشترى زيت من الشركة المصرية لتجارة الجمله وجدت الزجاجة 800 ملى وسعرها اعلى بـ 3 جنيه عن الزجاجة اللتر فى القطاع الخاص