ليه بقى؟! لأن الفراخ منها لله رفعت أسعار البيض، كرتونة البيض يا مؤمن وصلت 40 جنيها، للبيضة المزارع عيار 18، و45 جنيها البيضة البلدى عيار 21، وهذا السعر غير شامل قيمة الضريبة والمصنعية.
ما خلاص الفراخ المصرية بقت بتبيض بيض دهب، أو أننا نستورد البيضة من لامؤاخذة مؤخرة الفرخة بالدولار، فأنت تضع الدولار من هنا تخرج البيضة من هنا، وقريبا ستعلن الداخلية عن القبض على تاجر بيض يبيع الإنتاج فى السوق السوداء، وستناشد الدولة المواطنين عدم التعامل مع التجار الجشعين وضرورة شراء البيض من البنك من أجل رفعة الاقتصاد الوطنى.
كل هذا وما زلنا من أكبر الدول على مستوى العالم فى إنتاج البيض، ولدينا اكتفاء ذاتى منه، ونصدر للخارج، وأكيد أنت حاسس، ورغم كل هذا الخير من البيض، الذى نعيش فيه، ما زال بعضنا يرفع الأسعار على بعض؟
ليه بقى، هو كده «بيض».
عدد الردود 0
بواسطة:
مواطن
تحياتى للكاتب
الذى يتميز بخفة الدم دائمآ
عدد الردود 0
بواسطة:
منوفى
يعنى البيض يغلى
واللا نبقى زى سوريا والعراق
عدد الردود 0
بواسطة:
سعد الدين
الناس بعد كده حتتعامل مع كرتونة البيض زى
الستات مبتتعامل مع حبوب منع الحمل كل حبايه بالتاريخ بتعها **حتبقى كرتونه البيض عليها تاريخ سحب كل بيضه ***وممنوع سحب بيضتين فى اليوم **خطر على الجيوب
عدد الردود 0
بواسطة:
محمود
الحكومه خلتنا نكاكى
والديك فينا بقى كتكوت
عدد الردود 0
بواسطة:
ابولمعه
احلى حاجه ان الحكومه خلت ايام زمان بقت قريبه
يعنى مثلا تروح تشترى اى حاجه تلاقيها غليت تقول للتاجر انا وخدها الاسبوع اللى فات بكذا يرد عليك انته لسه فاكر الاسبوع اللى ياه كانت ايام حلوه والله ***فين ايام مكانت البيضه بجنيه والكيلو اللحمه ب100جنيه***اذكروا محاسن ايامكم
عدد الردود 0
بواسطة:
نشات رشدي منصور / استراليا
يا. استاذ. محمد صلاح. العزب.
انت. فكرتني. بحضوري. احد. الافراح. في. الاسكندرية. وهات. "" يا ليلة. بيضا. يا ليلة. بيضا. ودخلت. العروس. وكان. لونها بلون. ... مش. ها اقول. "". حذر. فذر. ""