ميدو عن انتقاده للننى: "الناس بتدفعلى فلوس علشان أقول رأيى بصراحة"

أكد أحمد حسام ميدو، المدير الفنى لفريق وادى دجلة، أن المنتخب الوطنى كان فى حاجة لمدرب بشخصية وفكر الأرجنتينى هيكتور كوبر، موضحاً أن المدرب يتميز بشخصية قوية داخل وخارج المعلب، بالإضافة لاقتناع اللاعبين بفكره، وهو الأمر الأهم بالنسبة لللاعبين.

وعن انتقاده لأداء محمد الننى لاعب وسط المنتخب وأرسنال الإنجليزى، قال "العالمى": "مش عايزين نختصر التصريحات عن لاعب واحد فقط، لأنى بقول تصريحات على لاعبين كتير، ودى شغلتى إنى أقول رأيى الفنى بما يرضى الله، والناس بتدفعلى فلوس علشان أقول رأى بصراحة.. واللى قلته إن اسلوب الننى لا يتماشى مع المنتخب فى الوقت الحالى، والناس عارفة إن ميدو عمره ما بينافق أحد".

أضاف ميدو، أن مباراة المنتخب أمام بوركينا فاسو فى الدور قبل النهائى ببطولة أمم أفريقيا ستكون صعبة جداً، مشدداً على ضرورة اتباع نفس اسلوب اللعب الذى طبقه الفراعنة فى مباراتهم أمام غانا، والضغط المنظم على الخصم.

وقال المدير الفنى لدجلة: "رغم المشاكل اللى الناس عيشاها، لكن الكرة بتنسى الناس همومها.. والكورة مش لعب عيال ودلوقتى هتعرفوا قيمة الكرة، لأنها أهم مصدر فرحة للشعب المصرى، وأهم من أى شيء آخر".