ومنين يجى التفاؤل فى دنيا كلها ذئاب
فى عالم الصادق فيه بقى أكبر كداب
ومنين يجى التفاؤل والجراح بتزيد
وقلوب الناس بقيت أقوى من الحديد
ومنين يجى التفاؤل والعمر بيفوت
وكل لحظة أمل قدام عنينا بتموت
الأخ بيقتل أخوه والابن بيظلم أبوه
والباطل بقى حق والحق يلعن أبوه
والخسيس له تمن والأصيل يدسوه
مفيش حد النهاردة جواه إنسان
والضمير جوانا أصبح خلاص عيان
كل حاجه حلوه نقول فاكر زمان
ومحدش بيرحم حد الرحمه يا رحمن
الرحمه يا رحمن
تم أضافة تعليقك سوف يظهر بعد المراجعة