اعتذرت الفنانة شيما لمتابعيها وكل من استاء من كليبها الأخير "عندى ظروف"، الذى أحدث جدلاً بسبب المشاهد العارية التى تضمنتها الأغنية.
وكتبت شيما عبر صفحتها على "فيس بوك": "بتأسف لكل الناس اللى شافوا الكليب واتضايقوا من الكليب وشافوه بمناظر غير لائقة، أنا مكنش فى بالى أن كل ده ممكن يحصل وأنى أتلقى هجوم جامد قوى من كل الناس".
وأضافت: "كمطربة شابة لسه فى مقتبل عمرها عندها حلم من وهى صغيرة أنها تكون مطربة زى أى إنسان عنده حلم ونفسه يحققه أنا كمطربة غنيت فقط وليس لى أى علم وفهم بطريقة أو بمعنى الإخراج وأشياء كثيرة لم أفهم معناها فهذا يرجع للإخراج وليس لى أى تدخل بذلك أرجو من الجميع ومن كل الجمهور أن يتقبل أسفى وبشدة".
وتابعت: "كل الأسف والاحترام والتقدير لنقابة بلدى اللى بكن ليها كل احترام نقابة المهن الموسيقية، واللى هقدر أوعدكم به أنى هسعى واجتهد أنى أقدم ليكم فن محترم يليق بجمهور محترم زيكم يا أحسن ناس فى الدنيا".
كليب "عندى ظروف" كان أحدث حالة كبيرة من الجدل لاحتوائه على العديد من الإيحاءات الجنسية، فضلاً عما يحمله من إيحاءات جنسية.
الأغنية من كلمات محمد عاطف وألحان رامى جمال وتوزيع نور ومن إخراج محمد جمال، وتقول كلماتها، "يعنى بالذمة مش مكسوف تبعد وتقول عندى ظروف أنت مبقتش زى زمان حتى قاسى وأنانى كمان".
عدد الردود 0
بواسطة:
badrsaber
عدم الاهتمام
هو انتم مهتمين ليه كده دى مفروض تتحاكم
عدد الردود 0
بواسطة:
نور
اييه هي بقت موضه ولا اييه ؟
اخطأ واعتذر اخطأ واعتذر . اييه هو جس نبض للمجتمع ولا ايييه ؟؟ ما ينفعش طبعا لانها ستصبح ظاهره . وان لم يعاقب المسئ فستصبح ظاهره ؟؟
عدد الردود 0
بواسطة:
السويسى
غريبة !!!!
كل اللى هى عاملته ده فى الكليب و بتقول العيب على المخرج ....يعنى هى بقى غبية جدا مش فاهمة و لا بتستعبط و لا كانت مغيبة ؟؟؟ ....الخلاصة هى عايزة تبرأ نفسها و تطلع غلبانة و مسكينة و مش عارفة هى عملت كده ازاى ؟؟؟ ...اى حد بيغلط لازم يبرر موقفه و يطلع نفسه برئ ... على العموم اللؤم ده مش علينا ..انتى عملتى الكليب ده مع سبق الاصرار و الترصد ...و حسابك بقى انتى والمخرج عند ربنا .
عدد الردود 0
بواسطة:
صريح
هى خطه مدبره عشان تشتهر وخلاص واخرها اعتذار وحققت الشهره خلاص
بس هى المفروض تتحبس برضه
عدد الردود 0
بواسطة:
جمال توفيق
الإعتذار
وفضلت أحسس وأعتذر .. أحسس وأعتذر .. مع الإعتذار للزعيم
عدد الردود 0
بواسطة:
عمادالدين محمد مجاهد
الدمام المملكة العربية السعودية
توبى الى الله واعتذرى له عسى ان يتقبل منك ويهديكى الى سواء السبيل
عدد الردود 0
بواسطة:
Mahmoud
قولى والله !!!
تقلعى و.... وفى الاخر تعتذرى , طب والناس والبنات الصغيرة اللى شافت الفيديو على اليوتيوب هتعتذريلهم ازاى ... دى بقت موضة ان اللى عايز يتشهر فى مصر يقلع. جاتكم المصايب