اشتكى عدد من شباب محافظة أسوان، من تعرضهم للتعنت من المحافظة بعد تأجيرهم أماكن بجوار نادى أسوان، وتحويلها من "خرابة ومبولة" إلى محال تجارية، وبعد ذلك فوجئوا بهدم هذه المحال بحجة عدم قانونيتها.
وقال القارئ، أحمد العديسى، إن نادى أسوان أجرى مزاداً على محلات للإيجار فى سور النادى وبعد إرساء المزاد على 6 شباب، تم تحويل المكان بفضل جهودهم من بؤرة لعربجية الحنطور ومتعاطى المخدرات، إلى محل تجارى كبير.
وأضاف: "ربنا قدرنا وبنيناه وخليناه محل محترم نتفاجنا بأن المسئولين فى النادى ما بلغوش المجلس ولا الحى ولا المحافظة وبعتوا للشباب والرياضة أخطروهم إنهم حياجروا محل مش حينشئوا محل جديد وبعد ما طلع عينا فى المكان واتصرف عليه دم قلبنا اتضح أن المكان عليه محاضر ولفينا على الدنيا كلها علشان تحل الموضوع و ما عرفناش لأننا مالناش صفة رسمية والمفروض المسئولين هما اللى يتابعوا الموضوع وفى الآخر اتفاجئنا إن المسئولين بدل ما يحلوا الموضع بنوا حيطة على باب المحل وطربقوا المحل من جوه من غير حتى ما يخطروا المستأجر".
واختتم قائلاً: "دى ببساطة القصة بتاعت 6 شباب أكبر واحد فيهم عنده 34 سنة اللى حاولوا يعملوا حاجة لمستقبلهم ضيعوها المسئولين".
أعمال الهدم
المحال بعد هدمها
المحال قبل الهدم
جانب من الهدم
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع " برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.
