قال محمد الدماطى عضو مجلس النادى الأهلى، إنه بدأ من الصفر خلال مسيرته فى الأهلى، وبعلاقات محدودة ورغبة غير عادية فى النجاح، مشيرًا إلى أن أجمل شىء فى الدنيا هو الوصول إلى الأحلام الملموسة.
وكتب الدماطى، عبر صفحته على "فيس بوك": "أحلى حاجة فى الدنيا لما تحلم حلم ملموس وتوصله، كان عندى حلم أطرح شركتى فى البورصة والحمد لِلَّه طرحتها، وحلم عضوية مجلس إدارة النادى الأهلى اللى قدرت بفضل ربنا ودعم الأعضاء العظماء إنى أحققه كأصغر عضو مجلس إدارة فوق السن فى تاريخ النادى بحسب السن القانونى 35 سنة".
وأضاف الدماطى: "أنا بجد فى الأهلى بدأت من الصفر ويمكن تحت الصفر بشوية، عضوية جديدة من عشر سنين، علاقات محدودة لكن كان عندى رغبة غير عادية فى النجاح، اشتغلت لمدة شهر ونص زى المجنون عشان أحاول أوصل لكل عضو وأقنعوه بالقائمة وبيا شخصيًا، لما جيت فكرت النهاردة لقيت إن أنا فعلاً بشتغل فى كل حاجة فى حياتى بشخصية النادى الأهلى، الشخصية اللى متعرفش المستحيل وبتشتغل لحد آخر دقيقة، أول مرة أحس إن جزء من عشقى للنادى الأهلى إنه شبهى، عشان كده دائماً أى حاجة فيها روح الفانلة الحمرا هى اللى لازم بتكسب فى الآخر".
محمد الدماطى
