حسام بدراوى لـ"الباز": "متقاطعنيش عيب كده..اتقالى قبل ما آجى بيتعملك أفخاخ" (فيديو)

نشبت مشادة كلامية بين الدكتور حسام بدراوى المفكر السياسى، والدكتور محمد الباز مقدم برنامج "90 دقيقة"، على فضائية "المحور".

ورد بدراوى على تساؤل الباز: "زمان كنا بنسمع آراءك وأطروحاتك فى التعليم وكنا بنستغرب إزاى أنت كنت مستمر مع نظام مبارك"، قائلا: "أصدقائى فى المعارضة كانوا بيقولولى نبوس إيدك وماتخرج، لأنك أنت الصوت اللى بيدينا مصداقية وانت جوه".

وتابع الباز: "يا سيدى أنت ما عملتش حاجة، والنظام كله راح فى داهية"، وقاطعه بدراوى، بأن النظام لا يروح بكل حلوه ومره، ولكن يتبقى، لأن قانون التأمين الصحى ليس وليد اليوم، وبدون التراكم لم يكن يصدر القانون، مستطرداً: "أنت فى نهاية الحديث قلبت زى ما اتقالى قبل ما أجيلك، هو انت فاكرنى سياسى مش مخضرم، أنا مخضرم جداً، وما تقاطعنيش، عيب كده، اتقالى قبل ما آجى بيتعملك أفخاخ".

وأردف بدراوى: "أنت أنهيت الحديث بالشكل الذى لا أقبله لأنك تقاطعنى"، موضحاً أن الكل له دور ولا أحد يأخذ الدور كله، ونصف من يظهرون على أنهم ثورجية كانوا يحبون الدخول للحزب الوطنى".