عدت سنه وهايبتدى عام من جديد
عدى عام وانقضى
ابتدى بقى من جديد
متقولش اه لو كان جرى
أوع تفقد يوم امل
خليك مع حلمك عنيد
مهما عنك لو بعد
ح تلتقوا فى نفس الطريق
بلاش تعيد فى الذكريات
الدنيا ياما عليا جات
وتيجى على بالك حاجات
لو كان فى خير مكنش راح
كل شىء فى الحياه قسمه ونصيب
عدى عام وانقضى
وهايبتدى عام من جديد
وكل حاجه فى نفسنا مش بعيد عن ربنا
تيجى صدفه عندنا تبقى ملكك بين إيديك
تشوفوا بكره كل خير
لما يأذن ربنا بكره ربك يوم يريد
عدى عام وانقضى
وهايبتدى عام من جديد
اوع تندم على شىء عملته
خير ويرجعلك أليك
لو صدفه مره يوم قابلته
عادى سامحه عادى تانى لو عكز عليك
مهما عشنا فى الحياه كلها نعيشهم يومين
يبقى ننسى لبعض نصفى
ونبتدى بقى من جديد
افضل انت زى ماانت
علينا مهما الناس بتقسى
فى الدنيا ياما ياما لسه
لسه فيها الدنيا خير
عدت سنه وهايبتدى عام من جديد
بلاش تقول سنين وضاعت
كفايه فوق من اللى انت فيه
اشطب الماضى فى حياتك
أسعى حقق أمنياتك
مفيش دى حاجة مستحيل
عدى عام وانقضى ابتدى بقى من جديد
تم أضافة تعليقك سوف يظهر بعد المراجعة